Posta Shqiptare, për të lehtësuar komunikimin me të në lidhje me shpënien e pensioneve në shtëpi sipas Vendimit të Këshillit të Ministrave të disa ditëve më parë për të mbrojtur moshën e tretë nga infektimi me Covid-19, ka afishuar në faqen e saj në facebook të gjitha mënyrat dhe numrat e kontaktit të filialeve të saj për të gjthë vendin.
Posta u bën thirrje të gjithëve që të vijnë në ndihmë të të moshuarve.
“Duke marrë shkas nga zhvillimet e fundit, mbi njoftimin e mbylljes së zyrave postare të pensioneve dhe masën e marrë nga Posta Shqiptare për shpërndarjen e pensioneve në shtëpi, është vënë re se shumica e të dhënave të kërkuara nuk janë të sakta.
Lutemi, që në këto ditë të vështira, të ndihmoni prindërit dhe gjyshërit tuaj.
Sa më të sakta të jenë të dhënat e kërkuara, aq më shpejt do të mund të procedojmë me shpërndarjen e pensioneve në shtëpi”- citon Posta Shqiptare.
Të dhënat që kërkohen konkretisht janë:
- Numrin e kartës së identitetit
-Numër telefoni
-Adresa e saktë
Në një letër formati këto të dhëna duhet të vendosen në zarf dhe të dërgohen pranë zyrës ku merret pensioni me qëllim që të njoftohet Posta për dërgesën e pensionit në shtëpi.
Të gjithë pensionistët e Qarkut Tiranë, përveç informacioneve të afishuara në zyrat postare dhe në faqen zyrtare të Postës Shqiptare, për çdo informacion apo paqartësi në lidhje me shpërndarjen e pensioneve në adresë mund të kontaktojnë në numrat e kontaktit të Filialit të Postës Tiranë:
? 0692285591
? 0694316998
Pagesat e ndihmës ekonomike dhe paaftësisë
Posta Shqiptare në të njëjtën kohë thotë se të gjitha sportelet e saj në të gjithë vendin janë të çelura dhe njofton mbi shpërndarjen e ndihmës ekonomike, invaliditetit/paaftësisë dhe kategorive të tjera të pagesave
“Në vijim të masave të marra nga Posta Shqiptare , në funksion të menaxhimit të situatës për parandalimin e përhapjes së COVID-19, ju njoftojmë se pagesat e ndihmës ekonomike, invaliditetit/paaftësia dhe kategorive të tjera të pagesave do të shpërndahen tek të njëjtat sportele në të cilat ky shërbim është ofruar më parë, sipas orarit të përcaktuar, 16:00 deri në 19:00. Lutemi të tregoheni të kujdessshëm në ndjekjen e këshillave të higjenës dhe të respektimit të rradhës, duke hyrë një nga një në sportel. Zyrat postare do të jenë të hapura 7 ditë të javës, duke ofruar shërbimet tona për të gjithë qytetarët shqiptarë.”- bën me dije Posta Shqiptare.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.