Komiteti Olimpik Ndërkombëtar kërkon që spektatorët të kthehen për të ndjekur nga afër garat në Olimpiadën dimërore të Pekinit, që do të zhvillohet në shkurt të 2022-shit. “Duam të kemi spektatorë në Pekin, - ka thënë në mbledhjen e CIO-s në Tokio, Juan Antonio Samaransh jr, kryetar i kommisionit të koordinimit për Lojërat. – Kemi nevojë për ta dhe duam që të jenë të pranishëm në Olimpiadën dimërore.”
Shitja e biletave për Lojërat dimërore të Pekinit ishte parashikuar të niste në maj, por u shty për në shtator. Stafeta e flakës për Lojërat dimërore do të organizohet në një mënyrë ndryshe nga versionet e mëparshme, siç ka pohuar edhe Samaransh. Plani është për ta treguar pishtarin e flakës në qytetet e gjithë vendit, para se të bëhet një stafetë më tradicionale në fund.
Gjatë mbledhjes që po zhvillohet në Tokio është përcaktuar edhe vendi organizator i Olimpiadaës së vitit 2032. Dhe është përzgjedhur Brisbane e Australisë për Lojërat e 35-ta në histori. Zyrtarizimi vjen nga CIO. Lojërat Olimpikë të radhës janë ato të Parisit 2024 dhe Los Anxheles 2028.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.