Gazeta Si - GJKKO ka rrëzuar kërkesën e avokatve të ish-kryeministrit Sali Berisha për përjashtimin e gjyqtares Irena Gjoka nga çështja e tij, i akuzuar për aferën e privatizimit të klubit sportiv “Partizani”.
Këtë kërkesë të Berishës e ka shqyrtuar brenda ditës gjyqtarja Flora Hajredinaj, e cila ka vendosur që Irena Gjoka të mos përjashtohet nga kjo çështje.
Ish-kryeministri ka hedhur një sërë akuzash ndaj Gjokës edhe në konferencën e kësaj të enjteje për mediat, duke e cilësuar “kriminele me uniformë që zbaton urdhrat e Ramës dhe që ka shkruar Kushtetutën në tavolinën e saj”.
Ndërkohën seanca për vlerësimin e masës së sigurisë ndaj Berishës nisi në orën 15:00 pas disa orë shtyrje, pasi 2 avokatët e caktuar nga shteti për mbrojtjen e ish kryeministrit kërkuan kohë të njihen me dosjen.
Pas zëvendësimit të Artan Simonit, u caktuan dy avokate shtetit për Berishën, Jalldiz Kastrati dhe Rabije Cenalia.
Berisha akuzohet për korrupsion pasiv sa i takon aferës së privatizimit të ish-klubit sportiv “Partizani”, ndërkohë që dhëndri i tij Jamarbër Malltezi ndodhet në burg.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.