.png)
Policia e Vlorës ka arrestuar tre persona me precedentë kriminalë, teksa ishin duke udhëtuar në një automjet taksi me një kallashnikov nga Llakatundi në qytet.
Të arrestuarit janë Klajdi Basha, i dënuar më parë në Itali për organizatë kriminale në fushën e prostitucionit, Klaudjo Misri i dënuar më parë për trafik droge në Itali dhe Daniel Bako i dënuar për vjedhje në Shqipëri.
Ata kishin marrë një mjet taksi dhe ishin nisur në drejtim të qytetit të Vlorës.
Armën e kishte 45-vjeçari Klajdi Basha, teksa dy të tjerët u arrestuan për moskallëzim krimi edhe pse të tre udhëtonin në të njëjtën automjet të tipit taksi.
Policia thotë se punon për zbardhjen e qëllimit që kishte personi që qarkullonte me armë zjarri me vete.
Materialet procedurale iu referuan Prokurorisë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
