.png)
Prej dy ditësh forcat e specializuara po kërkojnë për gjetjen e trupave nga tërmeti i fortë i shkaktuar në zonën e Durrësit dhe të Thumanës. Ditën e dytë, pas tërmetit kërkimet vijojnë pikërisht në zonën e Durrësit ku është rrëzuar pallati gjashtëkatësh. Kërkimet vazhdojnë dhe kjo edhe në bashkëpunim me trupat e specializuara të ardhura nga Greqia, Rumania, Italia dhe Kosova të emergjencës civile.
Ndërsa nga këto pamje të tmerrshme shihen dhe pasojat shkatërrimtare të lëna nga tërmeti. Dhjetëra e qindra familje po strehohen në çadra dhe se ato kanë frikë të jetojnë në banesat e tyre. Ndërsa qeveria u ka premtuar atyre që t’i strehojë në hotele t ndryshme për të qëndruar dhe kaluar dhe stinën e ftohtë të dimrit. Si rezultat i tërmeti shkatërrues deri më tani në Durrës janë dëmtuar 160 banesa. Ndërsa regjistrohen 29 viktima të nxjerra nga rrënojat, 685 të plagosur. Forcat e kërkim shpëtimit kanë nxjerrë 49 trupa të gjallë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
