Zbardhen detaje të reja nga pakoja e djeshme me eksploziv në Vlorë që u shpërthye në mënyrë të kontrolluar nga Forcat Xheniere.
Pakoja kishte brenda 300-400 gram eksploziv dhe fillimisht u pikas nga banorët, teksa më pas paralizoi për 3-4 orë qarkullimin nga Pallati i Kulturës në Vlorë deri tek Porti.
Policia ka sekuestruar kamerat e sigurisë në një perimetër prej 1 kilometër, pasi dyshohet se autori mund të ketë qenë afër pakos për ta aktivizuar.
Tre janë pistat ku janë përqendruar hetimet, e para që eksplozivi mund të jetë vendosur aty për një prej banorëve të zonës që kalon aty.
E dyta, që personi që e ka pasur mund të jetë trembur nga Policia dhe e ka hedhur nga automjeti teksa pista e tretë që po hetohet është se pikërisht eksplozivi i është vendosur automjetit afër pakos së dyshimtë.
Pakoja e dyshimtë që u vendos pranë Pallatit të Kulturës në Vlorë vendosi në alarm efektivët e policisë mbrëmjen e kaluar si dhe u bllokua qarkullimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.