Ndihma ekonomike për familjet në nevojë do të dyfishohet deri në qershor me qëllim zbutjen e efekteve të shkaktuara nga pandemia e Covid-19.
Ajo përcaktohet sipas strukturës së familjes dhe shkon deri në 150% e masës të pensionit social të indeksuar.
Vendimi është botuar në fletoren zyrtare dhe i shtrin efektet e tij nga data 1 janar deri në qershor të 2021.
Kategoritë përfituese të kësaj mase për periudhën janar-qershor 2021 do të jenë:
-Familjet pa të ardhura ose me të ardhura të pamjaftueshme;
-Jetimët të cilët nuk janë në institucione;
-Prindërit e fëmijëve të lindur trinjakë e më shumë njëherësh, që u përkasin familjeve në nevojë;
-Viktimat e trafikimit, pas daljes nga institucionet e përkujdesjes shoqërore deri në çastin e punësimit të tyre;
-Viktimat e dhunës në marrëdhënie familjare, për periudhën e vlefshmërisë së urdhrit të mbrojtjes ose të urdhrit të menjëhershëm të mbrojtjes.
-Fëmijë të vendosur në shërbimin e kujdestarisë.
Në dokument theksohet që të gjithë organet e administratës shtetërore dhe njësitë e vetëqeverisjes vendore, ngarkohen për zbatimin e këtij vendimi.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
