.png)
Disa hulumtime kanë treguar se gjumi i pasdites është i mirë për shëndetin. Dhe, sipas disa studiuesve, mjafton vetëm më pak se një orë gjumë për t’i sjellë përfitime organizmit.
Një studim grek zbuloi se pushimi gjatë drekës në fakt zvogëlon presionin e gjakut duke zvogëluar rrezikun e një sulmi në zemër. Në këtë studim, u testuan 212 pacientë të cilët kishin presion të lartë të gjakut, dhe dëshironin të merrnin një sy gjumë pas mesditës. Pas studimit, ku të gjithë pacientët ndoqën të njëjtin ritual, duke fjetur gjumë pas mesditës, u zbulua se këta njerëz kishin tension më të ulët se më parë.
Gjumi pasdite rrit përqendrimin
40 minuta gjumë në orët e pasdites mjaftojnë për të rritur përqendrimin dhe fokusin për 100%. Të tjera hulumtime kanë treguar se 20 minuta gjumë janë më të mirë se 200 miligramë kofeinë.
Gjithashtu një nga përparësitë më të rëndësishme të gjumit është përmirësimi i kujtesës dhe funksioni kognitiv. Kjo do të thotë që ju do të mund të mendoni dhe kujtoni shumë më mirë.
Gjumi pasdite përmirëson kreativitetin e të menduarit, që është thelbësore në zgjidhjen e problemeve. Shkencëtarët kanë konkluduar se mjaftojnë 20 minuta gjumë për të ardhur deri te zgjidhja kreative e disa problemeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
