Ka nisur në Kolegjin e Posaçëm të Apelimit seanca dëgjimore për prokurorin Besnik Cani.
Cani ka qenë i pranishëm në sallë bashkë me avokatin e tij mbrojtës, Eduard Halimi, i cili u shpreh se “Besnik Cani gjatë këtyre ditëve është vënë në dijeni se dy prej anëtarëve të trupës, Artan Hajdari dhe Luan Daci, janë në kushtet e pazgjidhshmërisë”.
Më 17 janar, prokurori Besnik Cani ka bërë kërkesë në KPA për përjashtimin e dy anëtarëve, Hajdari dhe Daci.
Cani ka bërë kallëzim penal për Dacin për akuzën e “falsifikimit të formularëve”.
Herën e kaluar, seanca dëgjimore u shty, pasi nuk ishte i pranishëm mbrojtësi i tij, Eduart Halimi.
Prokurori Besnik Cani u konfirmua në detyrë më 27 nëntor 2018 nga trupa gjykuese e udhëhequr nga Olsi Komici, me relator Lulzim Hamitaj dhe anëtare Brunilda Bekteshi.
Komisioneri Publik ankimoi vendimin e Komisionit të Pavarur të Kualifikimit për prokurorin e Gjykatës së Shkallës së Parë në Elbasan, Besnik Cani, duke marrë në konsideratë edhe rekomandimin e paraqitur nga Operacioni Ndërkombëtar i Monitorimit për të paraqitur ankim, pasi bazuar në provat dhe faktet e administruara nga Komisioni i Pavarur i Kualifikimit, prokurori Cani nuk plotësonte kushtet për konfirmimin në detyrë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.