.png)
Nga Gazeta 'SI' - Banka Botërore ka përgatitur një ‘kuti’ për rritjen e qëndrueshme të Shqipërisë.
80 mln dollarë kredi që pritet të miratohet në fund të këtij viti nga BB, synojnë mbështetjen e disa nismave të qeverisë si ligji i ri i tatimit mi të ardhurat, formalizimit të turizmit dhe sigurimin e detyrueshëm për tërmetet.
Programi i Bankës, përveç parave, është i ndarë në tre shtylla se si do të ofrohet mbështetja për Shqipërinë.
Shtylla 1 mbështet reformat që synojnë forcimin e qëndrueshmërisë së sektorit qeveritar dhe familjeve, që nga taksat tek aktivitetet turistike.
Shtylla 2 mbështet reformat që synojnë forcimin e kornizës së tregut të energjisë dhe rritjen e energjisë së rinovueshme dhe efikasitetit të energjisë.
Nën Shtyllën 2, dhe në vazhdimin e reformave të mbështetura me DPL1, DPL2 mbështet krijimin e Operatorin e Energjisë së Rinovueshme dhe rregullat e tregut dhe funksionimit, si dhe paketën rregullatore për konsumatorët. Kjo pritet të nxisë zhvillimin e tregut të energjisë së rinovueshme.
Përveç kësaj, për të mbështetur më tej tregtimin e energjisë përmes tregut të organizuar me shumicë, DPL2 mbështet miratimin e një dekreti që mandaton tregtimin e energjisë nëpërmjet ALPEX. Së fundi, për të futur eficiencën e energjisë në sektorin publik, DPL2 mbështet miratimin e dispozitave të prokurimit publik që udhëzojnë autoritetet kontraktore publike të sigurojnë zbatimin e standardeve të eficiencës së energjisë në procedurat e prokurimit publik.
Shtylla 3 mbështet reformat që synojnë mbrojtjen e mjedisit dhe reduktimin e gjurmës së karbonit në vend. Nën shtyllën 3, për të parandaluar dhe zvogëluar degradimin mjedisor, DPL2 mbështet miratimin e Ligjin e Përgjegjësisë të Prodhuesit të Zgjeruar.
Me objektivin për të reduktuar emetimet e gazrave serrë, DPL2 mbështet futjen e një takse karboni mbi qymyrin, si dhe miratimin e paketës rregullatore për zbatimin e ligjit për gazrat e fluorizuar.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
