Hoze Mourinjo është një nga trajnerët më karizmatikë të futbollit botëror. Veç sukseseve në fushë, ai është në gjendje të marrë gjithmonë vëmendjen e shtypit me veprimet e tij. Një “taktikë” e njohur e portugezit për të larguar presionin nga skuadra, por edhe për ta mbajtur atë personalisht në nivele të larta edhe kur rezultatet nuk ecin. Ja disa prej shpërthimeve më spektakolare të trajnerit portugez ndër vite:
Mourinjo i afrohet Championsit të parë në vitin 2004. Në fazën e 1/8-ave eliminon Mançester Junajtid me Porton dhe feston me një kërcim spektakolar.
Të shumta janë shpërthimet e tij në kohën kur drejtonte Interin. Këtu shfaqet duke përqafuar brazilianin Maikon në dhomat e zhveshjes, pas golit të fitores në Siena, në vitin 2008.
Portugezi kapet nga aparatet e fotografëve me gjuhën jashtë, pas një suksesi kundër Udinezes në sekondat e fundit të ndeshjes. Është viti 2009.
Prangat e famshme të Mourinjos gjatë ndeshjes Inter-Sampdoria. Trajneri proteston me mënyrën e tij për vendimet e arbitrit Taliavento në vitin 2010.
Në “Camp Nou”, Interi i tij humb ndaj Barcelonës, por fiton të drejtën të kalojë në finale të Champions League. Mourinjo vrapon nëpër fushë, duke festuar si i çmendur. Sërish viti 2010.
Një festim në gjunjë i portugezit, kur ishte trajner i Realit të Madridit. Pas fitores 3-2 ndaj Mançester Sitit, ai ka gjetur këtë mënyrë festimi në vitin 2012.
Eksperienca e dytë e Mourinjos te Çelsi. Feston në fushë me Demba Ba dhe të tjerët, pasi sulmuesi kishte shënuar golin e dytë ndaj PSG-së në Champions, që do të thoshte kalim në gjysmëfinale në vitin 2014.
Kupa e Ligës në Angli. Çelsi mund 2-0 Totenhemin në finale dhe portugezi hidhet në fushë për të festuar me skuadrën gjatë marrjes së trofeut në vitin 2015.
Trajneri tregon gishtin e vogël drejt telekamerave, pas një fitore të Mançester Junajtid. Ky gjest u interpretua si një “sulm” ndaj disa opinionistëve televizivë, mjaft kritikë ndaj tij. Viti 2018.
Provokimi i dyfishtë ndaj Juventusit. Në “Old Trafford” trajneri portugez ka bërë shenjën e tre gishtave ndaj tifozëve bardhezinj për të kujtuar tripletën e fituar me Interin.
Ndeshja e kthimit e Mançester Junajtid me Juventusin në Torino. Mourinjo, i vërshëllyer gjatë gjithë ndeshjes, bën gjestin e veshit pas fitores 1-2 të skuadrës së tij.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
