.png)
Nga Gazeta ‘Si’- Kryeministri izraelit, Benjamin Netanyahu tha se Europa ka “shumë për të mësuar” nga Izraeli, duke akuzuar kontinentin se vuan nga “dobësi e thellë morale”
Duke folur gjatë ceremonisë zyrtare të Ditës së Përkujtimit të Holokaustit në Izrael, Netanyahu tha se Europa e kishte harruar dallimin midis “të mirës dhe të keqes”.
“Europa sot është e prekur nga dobësi e thellë morale. Ajo ka shumë për të mësuar nga ne, veçanërisht mësimin thelbësor të dallimit të qartë moral midis të mirës dhe të keqes”, tha ai.
Netanyahu theksoi se momente të tilla si ky i tanishmi kërkojnë “të shkosh në luftë për hir të asaj që është e mirë, për hir të jetës”.
Ai gjithashtu pretendoi se Europa po humbet aftësinë e saj për të mbrojtur “identitetin dhe vlerat e saj” dhe se Izraeli po mbron Europën dhe “qytetërimin kundër barbarizmit”.
Vërejtjet e Netanyahut erdhën mes kritikave në rritje në Europë për politikat e Izraelit në Bregun Perëndimor dhe Libanin e pushtuar.
Më herë, kancelari gjerman, Friedrich Merzi, shprehu “shqetësim të thellë” për zhvillimet në territoret palestineze dhe paralajmëroi kundër asaj që ai e përshkroi si një “aneksim de facto të pjesshëm” të Bregut Perëndimor të pushtuar.
Merz i kërkoi gjithashtu Netanyahut gjatë një telefonate të fillonte bisedime të drejtpërdrejta paqeje me Libanin dhe bëri thirrje për t’i dhënë fund armiqësive në Libanin jugor.
Netanyahu tashmë përballet me presion ligjor në rritje. Gjyqi i tij për korrupsion, i cili filloi në vitin 2020, mbetet në vazhdim. Netanyahu i mohon akuzat dhe i ka përshkruar ato si një “fushatë politike që synon rrëzimin e tij”.
Ai kërkohet gjithashtu nga Gjykata Ndërkombëtare Penale që nga viti 2024 me akuza për krime lufte dhe krime kundër njerëzimit në Gaza.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje