.png)
Nga një pjesë e madhe e medieve italiane, ai është konsideruar si një futbollist, beniamin i ish-trajnerit, Mauricio Sarri. Por Elseid Hysaj na ka mësuar tashmë që di të përgjigjet në fushën e lojës. Mbrojtësi shkodran përkundër të gjitha zërave të merkatos që e shikonin larg Napolit këtë verë, ka qëndruar me trajnerin Karlo Ançeloti dhe po tregon se ëhstë gati të bëjë më të mirën.
Këtë karakter dhe vendosmëri të tijën, mbrojtësi kuq e zi e ka treguar edhe në ndeshjen e fundit të Napolit përballë Borusia Dortmund. Shkodrani për herë të parë zbriti në fushën e lojës me shiritin e kapitenit në krahë, duke qenë se nuk luante Marek Hamshik.
Me një peshë të tillë aq të madhe, Hysaj jo vetëm që ka ditur të menaxhojë presionin, por edhe ka qenë një nga më të mirët. 24-vjeçari ka dhënë asistin për golin e parë që u shënua nga polaku Milik. Jo vetëm asistin, por gjatë gjithë ndeshjes, Elseid Hysaj ka qenë një nga më të mirët në fushën e lojës, duke mbyllur mirë hapësirat në repartin difensiv. Shkodrani duke se është përshtatur mirë me skemat e Ançelotit, pasi dilte më natyrshëm përpara për të ndihmuar skuadrën në inkursionet e saj. Sa i përket ndeshjes, Napoli e ka fituar në shifrat 1-3, ku d golat e tjerë të napolitanëve u shënuan nga Maksimoviç dhe Kajehon, ndërsa për gjermanët golin e nderit e shënoi Filip.
Mbrëmjen e së martës dhe mëngjesin e së mërkurës janë luajtur edhe dy ndeshjet e radhës të turneut të takimeve miqësore, “International Champions Cup”. Real Madrid ka treguar forcën përballë Romës, duke fituar në shifrat 2-1, me gola të Asensio dhe Bale. Ndërsa Chelsea ka mposhtur Lyon me penallti, pasi koha e rregullt u mbyll në barazim pa gola. Kjo ishte fitorja e dytë për skuadrën e Mauricio Sarri, që dalëngadalë po fillon të marrë formë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
