Drejtori i Tesla, Elon Musk pasditen e së dielës nënkuptoi se do të shiste të gjitha Bitcoin që mbante kompania duke e ulur edhe më shumë vlerën e kriptomonedhës.
Në pak orë, Bitcoin ra me 8% të tjera duke arritur në vlerën e 44 mijë dollarëve për monedhë.
Mundësia për të shitur Bitcoin vjen pas të gjithë urrejtjes që Musk po merr, pasi njoftoi se Tesla do të hiqte dorë nga Bitcoin. Tesla hoqi dorë nga Bitcoin pasi dëmtonte ambjentin me anë të energjisë së madhe që shpenzon.
Musk ka qenë gjithmonë mbështetës i madh i kriptovalutave duke ndikuar drejtpërdrejtë në rritjen e tyre, sidomos të Bitcoin. Në shkurt të vitit 2021, Musk njoftoi se Tesla bleu 1.5 miliardë dollarë vlerë të BTC.
Fillimisht, Musk pati njoftuar se ai nuk do të shiste Bitcoin që posedon në kompani.
Javët e fundit Musk ktheu anën nga Dogecoin, një kriptomonedhë krijuar nga vetë ai në formë shakaje, por që gjithashtu pësoi rënie pas ngjarjeve në seri të javës së kaluar.
Burimi: CNBC
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.