Do duhej të ishte mesjava perfekte, ku Milan të rikthehej te fitorja dhe tre pikët në Serie A. Por jo nuk ishte e thënë dhe kuqezinjtë, përsëri nuk ia dalin që ta mbrojnë avantazhin dhe ashtu si para tre ditësh, pak minuta para fundit janë barazuar. Këtë herë skuadra që ka prishur festën e skuadrës së Gatuzos ka qenë Empoli i rikthyer në elitë këtë sezon.
Ndeshja nisi mirë për Milan, që në minutat e para kontrollon lojën dhe është e rrezikshme në daljet e saj përpara. Që në minutën e dhjetë ekipi i Gatuzos do të kalonte në avantazh, duke përfituar nga një autogol, i Leonardo Capezzi që çoi në portën e tij një top të gjuajtur nga Biglia.
0-1 dhe Milan ndjehet komod me rezultatin, duke mos bërë shumë përpjekje serioze për të shënuar edhe një gol të dytë. Pjesa e parë me disa raste jo shumë të rrezikshme për gol në të dyja portat do të mbyllej në shifrat 1-0.
Në 45’ minutat e dyta pritej një Milan që ta mbyllte ndeshjen dhe të koleksiononte tre pikë shumë të rëndësishme. Por kjo gjë nuk ndodhi, pasi Empoli ka bërë mrekullinë duke i çuar shifrat në barazim. Suso përpiqet me çdo kusht që të shënojë për Milan dhe të kalojë kuqezinjtë në avantazh, por nuk ia del dot. Mbyllet gjithçka në barazim 1-1 dhe tashmë mund të thuhet me plot gojën që Milan është në krizë. Kuqezinjtë kanë grumbulluar vetëm 6 pikë në pesë ndeshje dhe ky i me Empolin, ishte barazimi i tretë radhazi
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.