Deputetët e PL-së, Monika Kryemadhi, Erisa Xhixho dhe Petrit Vasili iu bashkuan pjesës së grupit të deputetëve Bardhi-Berisha në seancën e të enjtes ku PS-ja kaloi në unison ndryshimet e rregullores të propozuara prej saj, që në thelb konsistojnë në përjashtimin e deputetëve ‘zhurmues’ deri në dy muaj nga punimet e seancës parlamentare.
Kryetari i PL-së, Ilir Meta komentoi përmes një postimi në Facebook se ndryshimet kanë asgjesuar opozitën në Kuvend.
“Ndryshimet e njëanshme të Rregullores së Kuvendit të bëra në mënyrë arbitrare dhe përjashtuese synojnë asgjësimin e opozitës dhe parlamentarizmit.
Ndaj pezullimi i mandateve të deputetëve në këtë mënyrë antikushtetuese është i papranueshëm.
Vetëm plotësimi i kërkesave të opozitës rikthen normalitetin në Kuvend dhe garanton rolin e tij kontrollues ndaj qeverisë”, shkruan ai.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.