.png)
Sezoni i festave kërkon shumë energji dhe duket sikur të gjithë ndjehen të detyruar të jenë të lumtur, edhe kur nuk janë.
Për shumë njerëz, festat e fundvitit shkaktojnë stres dhe simptoma ankthi dhe këto njerëz duhet ta dinë se nuk janë të vetmit që ndjehen kështu.
Si ndikojnë pushimet në shëndetin mendor?
Për shumë njerëz, festat janë periudha më e vështirë e vitit për shëndetin e tyre mendor.
Sipas një sondazhi të kryer nga Shoqata Amerikane e Psikiatrisë, 41% e njerëzve raportuan se nivelet e tyre të stresit u rritën gjatë festave të fundvitit.
Pritet shumë nga ne gjatë pushimeve të festave dhe kjo mund të shkaktojë rritje të ankthit. Por nuk janë vetëm stresi dhe ankthi. Depresioni gjithashtu është i zakonshëm gjatë sezonit të festave. Shumë njerëz mund të ndjehen të vetmuar dhe të paplotësuar, çka përforcon simptomat e depresionit.
Gjendje të tilla si depresioni dhe ankthi mund të përkeqësohen, me stresin e shtuar që kanë sjellë inflacioni dhe viruset.
6 këshilla për të menaxhuar stresin gjatë festave të fundvitit
Pranojeni atë që ndjeni
Vetëm për shkak se është sezoni i festave nuk do të thotë që automatikisht do të jeni të lumtur. Dhe kjo është në rregull. Hapi i parë në menaxhimin e stresit është të pranoni atë që po ndjeni. Pasi të kuptoni se çfarë po ndodh, mund të vendosni si të reagoni.
Njohja e stresit që ndjeni mund t'ju ndihmojë gjithashtu të gjeni burimin e stresit tuaj.
Planifikoni aty ku mundeni
Një nga pjesët më stresuese të festave është planifikimi. Dhe një mënyrë për të reduktuar stresin është planifikimi sa më herët i çdo gjëje.
Planifikimi i gjërave është një mënyrë për të reduktuar stresin e pushimeve.
Thoni ‘jo’
Të kesh kufij është thelbësor për shëndetin tonë mendor. Ato janë edhe më të rëndësishme gjatë festave kur nivelet e stresit janë të larta dhe ne jemi jashtë programit tonë. Është e lehtë t'i thuash ‘po’ çdo gjëje, veçanërisht kur të kërkon familja.
Megjithatë, nëse nuk dëshironi të merrni pjesë në një traditë apo aktivitet të caktuar, thoni ‘jo’. Respektimi i kufijve jo vetëm që mund të lehtësojë stresin, por gjithashtu ju ndihmon edhe ju të kaloni festa të gëzuara.
Gjeni kohë për veten tuaj
Ndonjëherë, mbledhjet me gjithë familjen mund të jenë mbytëse. Vetëm të imagjinosh një dhomë të mbushur me shumë njerëz që flasin është një stres më vete.
Mos harroni, pavarësisht se sa larg keni udhëtuar ju ose familja juaj për të qenë bashkë, mund të merrni pak kohë për veten tuaj. Ju mund të harxhoni një orë apo më shumë për t'u larguar dhe për t'i dhënë përparësi kujdesit për veten.
Kujdesi për veten është i ndryshëm për të gjithë. Nuk ka asnjë mënyrë të drejtë ose të gabuar për t'u kujdesur për veten.
Qëndroni në zakonet tuaja të shëndetshme
Pushimet janë disa nga periudhat më të ngarkuara të vitit. Shumë gjëra ndodhin dhe ndonjëherë zakonet dhe rutinat tona normale mbeten në hije. Në vend të rutinës sonë të stërvitjes, ne qëndrojmë brenda dhe shikojmë një film. Në vend që të kemi një vakt të shëndetshëm, ne konsumojmë më shumë ëmbëlsira.
Kjo nuk është diçka e keqe dhe nuk keni pse të ndjeheni fajtorë por duhet të tregoni pak kujdes që mos ta teproni pasi pikërisht kjo shkakton stres.
Nëse ndiheni të stresuar, jepni përparësi zakoneve tuaja të ushqimit të shëndetshëm sa më shumë që të jetë e mundur. Mos shtoni stres në jetën tuaj duke bërë planë për ato që do të konsumoni. Një e mesme e artë do të ishte perfekte.
Kontaktoni familjen dhe miqtë
Pushimet gjithashtu mund të jenë jashtëzakonisht izoluese, veçanërisht nëse nuk keni ose nuk mund të vizitoni familjen. Simptomat e depresionit mund të përkeqësohen për shkak të izolimit social.
Nëse jeni të predispozuar ndaj simptomave të depresionit, është e rëndësishme të kontaktoni njerëzit kur keni nevojë për të folur.
Festat e fundvitit, sado të mrekullueshme që janë, mund të jenë një periudhë jashtëzakonisht stresuese e vitit për shumë njerëz. Por mos u shqetësoni, ju mund të shmangni dhe të përmirësoni shëndetin tuaj mendor gjatë sezonit të festave, duhet vetëm pak qëllim. Provoni gjëra të tilla si planifikimi, vendosja e kufijve dhe kujdesin për veten për t'u siguruar që të kënaqeni.
Burimi: CNET. Përshtati: Gazeta "Si"
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
