Një ngjarje e rëndë ka ndodhur në fshatin Vasjar të Tepelenës.
Një 18-vjeçare i ka dhënë fund jetës duke u vetëhelmuar me fostoksinë. Bëhet fjalë për Mirela Betën, e cila kohët e fundit mësohet se ndodhej në gjendje depresive, pas humbjes së të fejuarit tre muaj më parë.
Kanë qenë prindërit e vajzës që e kanë gjetur atë në orët e para të mëngjesit të sotëm në gjendje të rëndë dhe më pas e kanë dërguar në spital.
Ajo ka shkuar në gjendje të rëndë në spitalin e Gjirokastrës, ku fatkeqësisht ka ndërruar jetë nga konsumimi i lëndëve helmuese.
I fejuari i saj ndërroi jetë tre muaj më parë, pas një aksidenti në punë, teksa punonte në ‘Bypassin’ e Levanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.