.png)
Agjencia shtetërore saudite e lajmeve njoftoi se ditën e djeshme, në Athinë Princi i Kurorës dhe zv.Kryeministri i Arabisë Sadite, Mohammed bin Salman është takuar në Athinë me Kryeministrin e Shqipërisë, Edi Rama.
“Zhvilluan një takim të zgjeruar në Athinë të Greqisë, të mërkurën, ku të dy palët diskutuan marrëdhëniet miqësore dhe mjetet e bashkëpunimit në fusha të ndryshme, si dhe mënyrat për t’i mbështetur dhe zhvilluar marrëdhëniet, krahas rishikimit të zhvillimeve dhe përpjekjeve rajonale dhe ndërkombëtare”, thuhet në lajmin e dhënë nga agjencia saudite.
Artikulli thotë se “në takim u diskutuan edhe mënyrat për konsolidimin e partneritetit ekonomik mes dy vendeve dhe nxitjen e bashkëpunimit mes dy palëve në fushat politike, rritjen e investimeve dypalëshe dhe koordinimin në çështjet rajonale dhe ndërkombëtare me interes të përbashkët”.
Në këtë drejtim, SPA njofton se “Kryeministri shqiptar shprehu vlerësimin e sinqertë për vendimin e Mbretërisë së Arabisë Saudite për të mbështetur vendin e tij me një shumë prej 50 milionë dollarësh dhe për synimin e Fondit të Investimeve Publike për të eksploruar shanset për investime në Shqipëri në vlerë prej 200-300 milionë dollarë”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje