.png)
Gazeta Si - Një marrëveshje me Departamentin e Drejtësisë së SHBA-së që do t'i lejonte Julian Assange të shmangte ekstradimin dhe të kthehej i lirë dhe që do të shpëtonte administratën e Biden nga përballja me një çështje të pakëndshme.
Lajmi është publikuar nga prestigjoiozja “Wall Street Journal”, ndërkohë që pritet vendimi i Gjykatës së Lartë Britanike, e cila duhet të vendosë për ankimimin e Assange kundër ekstradimit.
Sipas marrëveshjes, themeluesi i WikiLeaks pritet të deklarohet fajtor për një akuzë të reduktuar për keqpërdorimin e informacionit të klasifikuar, një hap që Assange mund të ndërmarrë pa shkelur këmbë në Shtetet e Bashkuara, ku aktualisht është i akuzuar sipas Aktit të spiunazhit bazuar në 18 akuza dhe ku, sipas avokatëve të tij rrezikon dhjetëra e dhjetëra vite burg.
Koha që ai kaloi pas hekurave në Londër - pesë vjet - do të llogaritet gjithashtu për çdo dënim në Shtetet e Bashkuara dhe për këtë arsye ai do të ishte i lirë të linte burgun pa frikë se do të arrestohej përsëri.
A zgjidhet gjithçka atëherë? Ende herët për të thënë. Gjithashtu sipas “Wall Street Journal”, disa zyrtarë të Departamentit të Drejtësisë dhe avokatët e Assange kanë diskutuar marrëveshjet për pranimin e fajësisë në javët e fundit për t'i dhënë fund dramës së gjatë ligjore.
Ekipi ligjor i Assange ka mohuar se mosmarrëveshja është afër zgjidhjes, ndërsa askush nga Departamenti i Shtetit nuk ka komentuar raportet e “Wall Street Journal”.
Por është e qartë se është e nevojshme që të dyja palët ta zgjidhin këtë çështje. Ndërsa pritet të zbulohet nëse një nga ngjarjet më të ndërlikuara ligjore të kohës sonë do të përfundojë vërtet, ka një siguri.
Nëse gjykata britanike vendos kundër Assange, qeveria amerikane do të ketë ende 28 ditë të tjera përpara se të detyrohet të kryejë ekstradimin. Koha më e çmuar për negociata të mundshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
