.png)
Nga Gazeta ‘SI’ – Në mbledhjen e fundit të qeverisë Rama, 48 orë para zgjedhjeve, është miratuar falja e gjobave për shtesat pa leje të ndërtimeve dhe të tjera.
Sipas vendimit, çdo gjobë e vënë prej 2015-s për shtesa me qëllime banimi apo përpunim blegtoral e bujqësor, gjobë nga policia Bashkiake, policia e Shtetit dhe autoriteti Kombëtar i Ushqimit do të falet.
Këto institucione brenda 30 (tridhjetë) ditëve nga hyrja në fuqi e këtij vendimi, përgatisin listën e individëve dhe/ose personave fizikë apo juridikë ndaj të cilëve nga ky organ është vendosur, përkatësisht, masë administrative, e cila rezulton e paekzekutuar.
Kur drafti u propozua nga socialistët në dhjetor të 2024-s, demokratët krijuan kaos në Kuvend, duke e quajtur një “kartë elektorale”. Socialistët pretenduan se është një “korrigjim” i gabimit që vetë ata bënë një dekadë më parë, kur penaliteti për këto shkelje u vendos tepër i lartë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
