Mbi 66.000 fanella false për shitje gjatë Kupës së Botës, 95 të arrestuar në Spanjë

Gazeta Si – Policia Kombëtare Spanjolle ka arrestuar 95 persona të dyshuar për përfshirje në një rrjet prodhimi dhe shpërndarjeje në shkallë të gjerë të fanellave të falsifikuara të futbollit, të destinuara për shitje në tregun e zi në të gjithë Spanjën gjatë Kupës së Botës 2026.

Në një operacion të madh të kryer në bashkëpunim me Europolin dhe Interpolin në disa qytete spanjolle, përfshirë Madridin, Malagën dhe Barcelonën, policia sekuestroi më shumë se 66,000 fanella false. Të arrestuarit akuzohen për krime të pronësisë industriale.

🚩Intervenidas más de 16 toneladas de equipaciones de #fútbol falsificadas que iban a distribuirse durante el Mundial de Fútbol 2026 ⚽️

🚔Incautados más de 66.000 camisetas y conjuntos falsificados

👉Valor de venta en mercado de más de 7.000.000💶

🔹Registros: #Madrid,… pic.twitter.com/lzWCGXEEcs

— Policía Nacional (@policia) June 17, 2026

Policia spanjolle vlerëson se shitja e fanellave të falsifikuara në tregun e zi mund të ketë gjeneruar të ardhura prej më shumë se 2 milionë eurosh, duke shkaktuar gjithashtu 7 milionë euro humbje të të ardhurave për kanalet zyrtare. Operacioni është ende në vazhdim.

Bastisjet filluan prillin e kaluar dhe shënjestruan tregje, depo, shtëpi dhe anije të përdorura për të shpërndarë mallrat e falsifikuara, të cilat përfshinin si fanellat e ekipeve kombëtare pjesëmarrëse në Kupën e Botës, ashtu edhe ato të ekipeve me yje të tillë si Kylian Mbappé dhe Lamine Yamal.

Ato u urdhëruan si pjesë e EMPACT (Platforma Evropiane Multidisiplinare Kundër Kërcënimeve Kriminale), iniciativa e Bashkimit Evropian që synon identifikimin dhe luftimin e krimit të organizuar.

---

Copyright © Gazeta “Si”

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.

---