.png)
Gazeta Si - Janë 5.200 të burgosur palestinezë që mbahen në burgjet izraelite, duke përfshirë 333 gra dhe 170 të mitur.
Shifra daton në periudhën para sulmit të Hamasit më 7 tetor, por sipas zyrtarëve palestinezë mund të ketë shumë më tepër.
Kombet e Bashkuara kanë zbuluar se rreth një milion palestinezë janë arrestuar që nga viti 1967, kur Izraeli pushtoi Rripin e Gazës dhe Bregun Perëndimor. Një në pesë persona është vënë në pranga të paktën një herë, por për meshkujt shifra dyfishohet.
Yahia Sinwar, lideri i Hamasit, ka propozuar lirimin e më shumë se 200 pengjeve në këmbim të të arrestuarve, por për ushtrinë izraelite do të ishte "terrorizëm psikologjik".
Ka 19 burgje brenda Izraelit, ndërsa një tjetër ndodhet në Bregun Perëndimor. Janë 1.264 të burgosur administrativë palestinezë, pra ata që qëndrojnë pas hekurave për një kohë të pacaktuar dhe pa u përballur me gjyq.
Ekziston edhe mundësia për t'u arrestuar për "prova sekrete": ndërsa i akuzuari kalon vite në burg, Izraeli do të vazhdonte të mblidhte informacione ndërkohë që do të shtynte procedurat.
Organizata palestineze për të drejtat e të burgosurve “Addameer”, e përshkroi sistemin izraelit të burgjeve si një "kompleks makine ligjesh dhe procedurash të krijuara për të vrarë".
Që nga viti 2000, në kohën e Intifadës së dytë, më shumë se 12,000 fëmijë palestinezë janë arrestuar. Për “Addameer”-in do të ishte një “modus operandi” i përdorur për të ndëshkuar popullatën.
Organizata “Save the Children”, ka zbuluar se të miturit i nënshtrohen abuzimit fizik dhe psikologjik në burgje, merren në pyetje pa praninë e prindit dhe shfrytëzohen si informatorë.
Gratë thuhet gjithashtu se i nënshtrohen "trajtimit mizor dhe çnjerëzor" nga forcat izraelite. Kjo u zbulua nga raporti i fundit për gjendjen e të burgosurve nga organizata joqeveritare palestineze, e cila nxjerr në pah format e ndryshme të dhunës, përfshirë edhe ato seksuale, të vuajtur nga të burgosurit.
"Të burgosurit i nënshtrohen urisë dhe etjes dhe nuk lejohen të marrin ilaçet e tyre, veçanërisht ata që vuajnë nga sëmundje kronike që kërkojnë trajtim të rregullt. Situata u përkeqësua kur administrata e burgut ndërpreu ujin dhe energjinë elektrike", - komentoi Qadura Fares, kreu palestinez i Komisionit për Çështjet e të Burgosurve të Autoritetit.
Parlamenti izraelit, Knesset, planifikon të miratojë një projekt-ligj që do të lejojë të burgosurit e rinj të pranohen në burgje përtej kapacitetit të tyre ligjor.
Të burgosurve do t'u jepet një dyshek në dysheme vetëm nëse nuk ka shtretër dhe vetëm për "periudha të shkurtra".
Rritja e numrit të palestinezëve të burgosur që nga fillimi i luftës "ka shkaktuar një rritje të ndjeshme të mbipopullimit të objekteve të burgjeve, në mënyra që nuk lejojnë respektimin e dispozitave të ligjit".
Në vitin 2017, Gjykata e Lartë udhëzoi Izraelin që t'i sigurojë çdo të burgosuri hapësirë prej të paktën 3.5 metra katrorë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
