Nga Gazeta Si - Ministri i Brendshëm, Taulant Balla i është përgjigjur publikisht kërkesës së kryetarëve të Bashkisë Fushë-Arrëz dhe Memaliaj për ngritjen e qendrave për pritjen e emigrantëve në kuadër të marrëveshjes me Italinë në bashkitë respektive.
Gjatë fjalës së tij në Komisionin e Ligjeve, Balla tha se një kërkesë e tillë është e pamundur që të bëhet realitet, duke dhënë edhe arsyet pse është zgjedhur Lezha për pritjen e emigrantëve.
“Si ministër i Brendshëm kam marrë kërkesë nga 2 kryetarë bashkish të cilët janë vetëofruar që në bashkitë e tyre respektive të ngrihet një qendër e ngjashme pritje. Do ju përgjigjemi zyrtarisht, por po e them dhe këtu: Është e pamundur që ne të ja realizojmë këtë kërkesë dy kryetarëve të bashkive sepse arsyeja pse është përzgjedhur Lezha, ka të bëjë me pozicionin gjeografik, momenti i parë është mbërritja në port”, tha Balla duke shtuar se në port do jetë një strukturë tek e cila do të bëhet dhe identifikimi për çdo shtetas të huaj.
“Po ashtu është përzgjedhur dhe një distancë e shkurtër sepse bëhet fjalë për shpenzime të mëdha”, tha Balla.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.