Ambasadori serb në Malin e Zi, Vladimir Bozhoviq, të shtunën është shpallur person “non grata” dhe i është kërkuar largimi nga vendi, bën të ditur Ministria e Punëve të Jashtme e Malit të Zi.
Në një njoftim publik, Ministria e Punëve të Jashtme, vuri në dukje, se në përputhje me nenet 9 dhe 41 të Konventës së Vjenës mbi privilegjet dhe imunitetet diplomatike, e kanë shpallur Bozhoviqin person “non grata”, duke konfirmuar se kanë kërkuar që ai të largohet nga Mali i Zi.
“Pas një ndërhyrje të gjatë dhe të vazhdueshme në punët e brendshme të Malit të Zi, sjelljeve dhe deklaratave të papajtueshme me standardet e zakonshme dhe të pranueshme të zyrës diplomatike, pas disa paralajmërimeve verbale dhe të shkruara për papranueshmërinë e një sjelljeje të tillë”, thuhet në njoftimin e ministrisë, duke shtuar se ai ka nënçmuar shtetin që i dha mikpritjen diplomatike.
I shpejtë ishte edhe reagimi i Beogradit, ku Ministria e Punëve të Jashtme të Serbisë njoftoi se ajo veproi në një mënyrë reciproke duke e shpallur person “non grata” dhe duke dëbuar nga vendi Ambasadorin e Malit të Zi, Tarzan Milosheviq. (VOA)
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.