.png)
Kryetarja e LSI-së, Monika Kryemadhi vazhdoi këtë të martë takimet me qytetarët e njësisë bashkiake numër dy në Tiranë, për t’i njohur me programin ekonomik dhe social të kësaj force politike.
Kryemadhi tha se LSI synon që të rimbursojë 5 për qind të shpenzimeve për ushqim familjeve që i provojnë me kuponë këto shpenzime në fund të vitit, duke deklaruar se nisma do të luftojë informalitetin. Ajo u shpreh se me programin e LSI-së, në vitin e dytë qeverisës paga minimale shkon në 480 dollarë.
“Por nëse në vitin e parë familjet shqiptare e kanë 2 dollarë në ditë për person në shtëpi ushqim, do të shpenzojnë 240 dollarë që është paga minimale në muaj në fund të vitit do kenë 150 dollarë, vitin tjetër nuk do kenë më 150 dollarë por paga e tyre minimale nuk do jetë më 240 dollarë por do jetë 480 dollarë dhe do kenë rimbursimin në fund 300 dollarë”, tha ajo.
Kryetarja e LSI-së përsëriti zotimin për të tatuar me 1 për qind 200 kompanitë më të mëdha në vend, para të cilat tha se do të krijojnë fondin e së ardhmes për arsimin.
Ajo tha gjithashtu se vendi nuk po shfrytëzon potencialin politik që ka.
“Ne nuk kemi pse të kemi turizmin dhe vetëm në korrik dhe gusht por të kemi turizëm të 12 muajt e vitit. Mund të kemi turizëm malor, mund te kemi turizëm detar, aventurier, religjioz, turizmin e lagunave apo të lumenjve, biologjisë, ekologjisë pra të cilat kanë hapësira pafundësisht për të krijuar mundësi”, deklaroi kryetarja e LSI-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
