.png)
Policia ka rrethuar godinën e Kryeministrisë pak minuta para nisjes së protestës së opozitës, e cila ka nisur të grumbullohet në bulevardin “Dëshmorët e Kombit”.
Teksa në kampet opozitare, PD dhe LSI janë duke u zhvilluar përgatitjet e fundit me liderët Lulzim Basha dhe Monika Kryemadhi, poshtë zyrës së Ramës janë mbledhur qindra mbështetës së tyre.
Aktualisht situata paraqitet e qetë, ndërsa policia prej disa minutash ka vendosur edhe kordonin si në çdo protestë paraardhëse.
Në terren shihen të angazhuar qindra efektivë, ndërsa nuk mungon as rrethimi me hekura i Kryeministrisë. Ndërkohë nga pankartat që protestuesit mbajnë në duar kuptohet se ka ndryshuar slogani, nga “Zgjedhje të lira pa Ramën” në “Nuk ka zgjedhje pa opozitën”.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
