Portieri i Partizanit dhe Kombëtares, Alban Hoxha, është liruar mëngjesin e së martës nga qelia. Ai ishte arrestuar të shtunën në mbrëmje, pasi ka rezultuar se i jepte makinës në gjendje të dehur. Gjykata e Tiranës vendosi që sportisti të lërë qelinë, duke dhënë masën “detyrim paraqitje” për portierin 31-vjeçar.
Hoxha do të bashkohet me ekipin në stërvitje, por ende nuk është e qartë, nëse ai do të jetënë fushë ditën e premte, kur do të luhet derbi me Tiranën, apo jo. Klubi i kuq ende nuk ka mbajtur një qëndrim zyrtar në lidhje me këtë çështje. Ka zëra se mund të ketë edhe një ndëshkim nga ana e Partizanit për portierin Alban Hoxha, pasi ai ka thyer disiplinën. Por një ndëshkim disiplinor për kapitenin para një ndeshjeje shumë të rëndësishme, siç është derbi me Tiranën, do ta prishte atmosferën në klub, ndaj dhe drejtuesit e Partizanit janë në dilemë.
Në klubin e kuq ka edhe një çështje tjetër, ajo e Lorenc Trashit, një tjetër titullar me shumë përvojë, që krijoi polemikat e radhës në stadiumin e Vlorës. Hoxha dhe Trashi janë dy pjesëtarët e fundit të “gardës së vjetër” të Partizanit.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.