.png)
Një 24-vjeçar, Vranicki Hisku, i arrestuar pak ditë më parë pas zbulimit të laboratorit të drogës në Gjorm të Kurbinit është lënë në burg nga Gjykata e Kurbinit.
Ndaj tij është vendosur masa e sigurisë “arrest në bueg” me afat 45 ditë, deri në administrimin e rezultateve të ekspertimeve dhe mbrojtjes nga i akuzuari.
Në laboratorin për kultivimin e lëndëve narkotike të zbuluar katër ditë më parë, është i përfshirë edhe drejtori i Kadastrës, Edmond Stojani, daja i 24-vjeçarit, i cili është shpallur në kërkim nga policia.
Zyrtari i shtetit kishte marrë këtë magazinë me qira në fshatin Gjorm, katin e dytë të së cilës e kishte kthyer në laborator droge.
Gjatë aksionit “Gjorm 2021” u sekuestruan 205 rrënjë kanabis dhe pajisjet që shërbenin për kultivimin e tyre, ndërsa u kap vetëm djali i motrës së Stojanit, Vranick Hisku.
Po ashtu, gjatë operacionit, janë sekuestruar një armë zjarri pushkë me dylbi e montuar dhe pajisje të ndryshme elektrike që shërbenin për kultivimin e bimëve narkotike.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
