Politike

Kulmi arrin në Shkodër, Rama: Nuk iki nga qeveria, ky qytet është sfida ime

Shkodra u kthye si kryeqendra e përplasjes politike në këtë krizë që ka arritur kulmin. Kryeministri kishte paralajmëruar fushatën elektorale në qarkun e Shkodrës, ndërsa opozita paralajmëroi protestë marshim në qytetin më të madh verior, duke marshuar përgjatë rrugës ku socialistët kishin parashikuar aktivitetin.
Tensioni është ndjerë menjëherë, Qytetarët kanë dashur të marshojnë drejt sheshit ku Rama do të mbajë takimin elektoral, por policia ka bllokuar rrugën. Protestuesit kanë tentuar disa herë ta çajnë kordonin policor madje ato janë përplasur, duke gjuajtur edhe me gurë në drejtim të uniformave blu.

Flamur Noka ne Shkoder ne perplasjen me policine ne Shkoder

Situata është tensionuar pikërisht pasi u njoftua se kryeministri Edi Rama kishte mbyllur takimin elektoral në Vaun e Dejës dhe ishte drejtuar Shkodrës për të aktivitetin e parashikuar në pedonalen e Shkodrës, rrugën e Piacës , “Kole Idromeno”.
Policia ka hedhur disa herë gaz lotsjellës për të shpërndarë turmën e irrituar. Për pasojë, ka pasur disa qytetarë të lënduar nga gazi. Ata janë transportuar me ambulancë drejt spitalit.
Protestuesit drejtohen nga kryebashkiakja Voltana Ademi dhe ishin shpërndarë në dy kahe, një pjesë në zonën e rrugës te ish-Kafja e Madhe që të çon drejt Prefekturës dhe të tjerët në kahun tjetër të rrugës.
Tensioni i lartë mes protestuesve dhe policisë bënë që kryeministri Edi Rama të shtynte mitingun elektoral të parashikuar për 45 minuta, ku do të prezantohej kandidati i PS-së për bashkinë e Shkodrës, Valdrin Pjetri.

Momnentet e hedhjes se gazit lot

Policia përdori disa herë gaz lotsjellës, të cilët shkaktuan jo pak probleme te disa prej protestuesve, të cilët u shpërndanë për disa minuta për t’u mbledhur sërish përpara ish-Kafes së Madhe.
Kryetarja e Bashkisë së Shkodrës Voltana Ademi foli nga qyteti verior, pas protestave masive të qytetarëve kundër policisë.
Ademi tha se Shkodra nuk mund të lejojë një pushtet të krimit që ta uzurpojë. Ajo shtoi se është e drejtë e qytetarëve të protestojnë, përkundër masarës që zhvillohet, sipas saj në qytet.

“Nuk mund të lejojmë që një bandë krimi ale të uzurpojë qytetin,. Shkodra ka treguar se nnuk mund të lërë Ramën dhe bandën e tij të pushtojë qytetin. E drejta jonë për të protestuar, përkundrejt masakrës që ata kanë bërë në Shkodër është legjitime. Nuk ka arsdye që Policia e Shtetit, banda kriminale të qëllojë njerëzit”, tha Ademi. Pas një qetësimi, protestuesit kanë vendosur dhe një foni, ku drejtuesit lokalë demokratë, apo dhe kreu i PD-së, Amuli mbajti një fjalim.

Gruaja ne gjendje pa ndjenja ne protesten e Shkodres

Ish-deputeti i Partisë Demokratike, Flamur Noka nga qyteti i Shkodrës tha se zgjedhje më 30 qershor nuk do të ketë. Ai ishte në ballë të tubimi kundër mitingut elektoral të kryeministrit Edi Rama në kryeqendrën e veriut.

“Nuk ka banditë me uniformë që mund të guxojnë të urdhërojnë policinë të arrestojnë qytetarët e lirë që protestojnë. Nuk mund të ketë burg për ata qytetarë që ëndrrën e tyre e kanë për liri. Edi Rama po vazhdon çdo ditë duke ezauruar grushtin e shtetit. Do ta ndalojmë. Më datë 30 nuk ka zgjedhje, as votime. Shkodra po flet vet”, u shpreh Noka.

As 100 metra larg distancë ndodhej sheshi ku do të mbahet mitingu elektoral i PS-së, dhjetëra e qindra socialistë mbanin në duar flamujt kombëtare, në pritje të nisjes së eventit zyrtar. Katër persona janë lënduar si rezultat i hedhjes së gazit lotsjellës. Në Shkodër ka qenë vetë drejtori i Përgjitshëm i Policisë, Ardi Veliu për të ndjekur nga afër situatën.

Rama: Tom Doshi aleati ynë strategjik, Shkodra basti im personal

Takimi i PS-së ka nisur në ora 19:50. Paralelisht kishim edhe protestë me fjalime dhe një miting elektoral. I pari që ka foluar ka qenë drejtuesi politik i qarkut të Shkodrës, Ditmir Bushati, i cili theksoi se kryebashkiakja Voltana Ademi nuk ka bërë asgjë në këto 30 vite dhe do të kujtohet me shprehjen e famshme e molotovit. Përkundër asaj që thotë Rama, Bushati u shpreh se nuk mjafton të vështrojmë Vlorën, por ndryshimin në ato bashki të këtij qarku ku drejtojnë socialistët në Malësinë e Madhe, Pukën e Fushë-Arrëzin. “Më 30 qershor vendoset fati i qytetarëve të zakonshëm të këtij vendi, janë zgjedhje për familjet tona, jo për politikën e madhe”, theksoi ish-kryediplomati.
Kandidati socialist Valdrin Pjetri, i vetmi në garën e 30 qershorit për bashkinë e Shkodrës, u shpreh se ” të merremi me gjërat që na bashkojnë e të mos ndajnë, i bëjmë thirrje çdo shkodrani, të fitojmë zgjedhjet, sepse fillon një kapitull i ri për zonjën Shkodër”.

ERTV Live😊: SHKODËR #30QERSHOR🌹 ⭐BASHKIA QE DUAM⭐ SHQIPERIA🇦🇱QE🇪🇺DUAM

Gepostet von Edi Rama am Donnerstag, 20. Juni 2019


Pas tij, fjalën e mori kryeministri Edi Rama, i cili u zotua se kishte sfidë personale. “Dua t’ju them diçka jo vetëm socialistëve, po edhe demokratëve, atyre që jetojnë në Shkodër, apo janë të lidhur me të. 4 vjet më parë ju t ash vlonjatëve se ishte koha për të hapur një kapitull transformimi dhe kushdo që e sheh Vlorën sot, e ka të vështirë ta njohë, ndërsa sot ju them shkodranëve që Shkodra e 4 viteve të ardhshm është sfida ime personale për të bërë bashkë me Valdrinin më shumë se në të thuajse 30 vitet e marra bashkë nën drejtimin e atyre që sot kanë dalë në rrugë të madhe e nuk dinë më se cfarë të ofrojnë tjetër vec kërcënimeve shantazheve, molotovëve dhe kaosit”, theksoi Rama.
Ndërsa e cilësoi kryebashkiaken Adem si më të paaften që ka pasur historia e drejtimit në bashkitë e vendit.
“Përballja në zgjedhje me alternativa me to nuk ndodhi. Kjo nuk është në dorën tonë, s’e zgjodhëm ne. Ata kapitulluan përpara fillimit të betejës zgjedhore, sepse plan ii tyre nuk ka lidhje me Shkodrën, e me të ardhmen, plani i tyre është plani i 4 njerëzve në hall shumë të madh me drejtësinë që po vjen e atyre rrotull. Nëse unë do isha njeriu që ata përpiqen të pikturojnë, si njeriu që i do gjithë pushtetet, dy vjet më parë i kisha mundësitë. Ikën nga parlamenti se nuk donin vettingun e filluan të njëjtin avaz, Rama ik, s’ka zgjedhje me Ramën. E mbajnë mend shumë se sa shumë i jam lut Bashën edhe kur BE e SHBA u dorëzuan”, u shpreh Rama.

“Gjatë kësaj kohe duhet të përballemi me gjëra absurde, siç ishte djegia e shkollës këtu. Unë e qeveria jemi aty, ata le të hidhen përpjetë. Parlamentit është aty, ata ikën se lanë mandatet. Tani janë kujtuar, por është vonë. Ikën me festë e pastaj donin të hynin nga dritarja”,- tha Rama. Ndërsa u shpreh se katërshja Ilir Meta, Sali Berisha, Lulzim Basha dhe Monika Kryemadhi kanë frikë nga reforma në drejtësi, sepse BE sipas tij kapituj 23 dhe 24 të negociatave kërkojnë arrestimin e peshqeve të mëdhenj, si predident, ish-president, ish-ministra.
Rama në fjalimin e tij ka përmendur edhe deputetin e PSD, Tom Doshi, duke e cilësuar si aleatin strategjik.
“Frika që ata kërkojnë të mbjellin është frika e tyre, ata nu kanë asgjë tjetër për t ëbërë veç të kapen pas frikës së tyre. Në 30 qershor do të fillojë tretja nga frika e tyre, ne nuk jemi aspak njerëz që nuk meritojnë kritika e të shara, sjemi më të mirët se mund të imagjinojnë, por më të mirë se nuk ka. Nuk është puna se jemi me të mirë se ata, opor ne jemi me të drejtën! Kush qëndron te e drejta, në fund të do të shpërblehet”, mbylli Rama fjalimin e tij. Takimi elektoral i PS-së zgjati deri në orën 20:38.
Ndërsa në anën tjetër e protestuesve të opozitës kanë vijuar fjalimet e qytetarëve dhe të liderëve lokalë dhe ish-deputetëve. Gjatë gjithë kohës Rama ka mbajtur fjalimin, opozitarët i janë përgjigjur po me fjalime gjate protestes.

Rama duke futur ne takimin e Shkodres, i shoqeruar nga forcat e shumta te policise

Partia Demokratike mbajti një deklaratë në lidhje me incidentet e shkaktuara në Shkodër.

“Banditët me uniformë dhe skafandra të Edi Ramës, sulmojnë me gaz ambulancën me të lënduar nga gazi. Pamjet e paprecedenta, kur policia sillet si bandë dhe nuk i hap rrugë ambulancës në urgjence mjekësore, përkundrazi, sulmon me gaz qytetarët rreth saj, janë të denja per regjime diktatoriale.  Sot, Edi Rama ka hyrë sot në Shkodër si pushtues, jo si kryeministër, as si përfaqesues i alternative demokratike!  Partia Demokratike dënon me ashpersinë më të madhe sjelljen kriminale të banditeve të veshur me uniformën e shtetit! Ata janë sot në anën e kundërt te ligjit! Bashke me Bablokun e tyre të krimit, që synon të nxisë vëllavrasje dhe konflikt mes shqiptarëve, do të mbajnë shumë shpejt përgjegjësi para ligjit!”, thuhet në deklaratë. Ndërsa proteste është mbyllur me momente tensioni me policinë, ku kryebashkiakja Ademi kanë kërkuar që të mos qëllojë e as më mos të penetrojnë në anën përtej policisë. Ky incident i fundit ndodhi në momentin kur policia po tërhiqej dhe protestuesit thirrnin “Rama Ik!”.

Më Shumë