Ndikimet e krizës politike shqiptare kanë dhënë efektet e para në turizëm.
Të dhënat e INSTAT për “Lëvizjet e shtetasve në Shqipëri” tregojnë se shtetasit që kanë hyrë në vend për turizëm kanë qenë 3,5 % më pak në dy muajt e parë të vitit krahasuar me të njëjtën periudhë të një viti më parë.
Numri i shtetasve të huaj që kanë hyrë në vendin tonë në dymujorin e parë 2019 është 411.117, duke u ulur me 2,8 %, në krahasim me të njëjtën periudhë të vitit 2018.
Në dymujorin e parë 2019, ndër vendet që kanë hyrjet më të mëdha të shtetasve në Shqipëri, Anglia ka patur rritjen më të madhe me 17,6 % ndërsa uljen më të madhe e kanë patur shtetasit nga Kosova me 16,0 %.
Kategoria që nuk është influencuar nga trazirat politike në vend është ajo e biznesit, personat që kanë udhëtuar drejt Shqipërisë për çështje profesionale dhe biznesi. Shtetasit e huaj që kanë programuar konferenca, takime, trajnime i kanë realizuar ato. Kjo kategori ka rezultuar me rritje 28,5%.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.