.png)
Një çamçakëz eksperimental që përmban një proteinë "kurth" për grimcat e koronavirusit mund të kufizojë sasinë e virusit në pështymë dhe të ndihmojë në frenimin e transmetimit kur njerëzit e infektuar flasin, marrin frymë ose kolliten, sipas studiuesve.
Çamçakëzi përmban kopje të proteinës ACE2 që gjendet në sipërfaqet e qelizave, të cilat virusi i përdor si një portë për të depërtuar në qeliza dhe për t'i infektuar ato. Në eksperimentet duke përdorur mostra të pështymës dhe shtupës nga individë të infektuar, grimcat e virusit u ngjitën në "receptorët" ACE2 në çamçakëz.
Si rezultat, ngarkesa virale në mostra ra me më shumë se 95%, raportoi ekipi hulumtues për Terapinë Molekulare nga Universiteti i Pensilvanisë. Çamçakëzi ka një ndjenjë dhe shije si çamçakëzi i zakonshëm, mund të ruhet për vite në temperatura normale dhe përtypja e tij nuk dëmton mukozën e gojës thonë studiuesit. Përdorimi i çamçakëzit për të reduktuar ngarkesat virale në pështymë, do të shtonte përfitimin e vaksinave dhe do të ishte veçanërisht i dobishëm në vendet ku vaksinat nuk janë ende të disponueshme ose të përballueshme.
Burimi: Reuters/ Përshtati: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
