Krijohen robotët e parë të gjallë që mund të riprodhohen

Në një zbulim të mundshëm për mjekësinë rigjeneruese, shkencëtarët kanë krijuar robotët e parë të gjallë që mund të riprodhohen.

Makineritë e gjalla me madhësi milimetrash, të quajtura Xenobots 3.0, nuk janë as robotë tradicionalë, as specie kafshësh, por organizma të gjallë e të programueshëm.

Të krijuar nga qelizat e bretkosës, organizmat e projektuar nga kompjuteri, të krijuar nga një ekip amerikan, mbledhin qeliza të vetme brenda një 'goje' në formë Pac-Man dhe lëshojnë 'bebe' që duken dhe lëvizin si prindërit e tyre.

Studiuesit thonë se Bio-robotët e gjallë mund të mundësojnë trajtim për kancerin, problemet e lindjes, plakjen dhe më shumë.

Xenobots janë krijuar nga biologët dhe shkencëtarët kompjuterikë në Universitetin Tufts dhe Universitetin e Vermontit (UVM), Amerikë.

Xenobots 3.0 ndjek Xenobots origjinal, të raportuar në 2020 si robotët e parë të gjallë, dhe Xenobots 2.0, i cili mund të vetëlëvizë duke përdorur 'këmbët' dhe ka aftësinë për të mbajtur kujtime.

'Ne gjetëm Xenobot që ecin. Gjetëm Xenobot që notojnë dhe tani, në këtë studim, ne kemi gjetur Xenobot që riprodhohen”, tha autori i studimit Joshua Bongard, shkencëtar dhe ekspert robotik në Universitetin e Vermontit.

"Ne kemi zbuluar se ekziston kjo hapësirë e panjohur më parë brenda organizmave, ose sistemeve të gjalla, dhe është një hapësirë e madhe", tha ai.

Sipas ekipit, Xenobots do të ndihmojnë në zhvillimin e organizmave të dizajnuar nga kompjuteri për shpërndarje inteligjente të ilaçeve.

"Nëse do të dinim se si t'u thonim koleksioneve të qelizave të bënin atë që dëshironim të bënin, në fund të fundit, kjo është mjekësia rigjeneruese, kjo është zgjidhja për dëmtimet, problemet e lindjes, kancerin dhe plakjen", tha Michael Levin në Universitetin Tufts.

Ai thotë se të gjitha këto probleme të ndryshme janë këtu sepse ne nuk dimë se si të parashikojmë dhe kontrollojmë se çfarë grupesh qelizash do të ndërtojnë dhe Xenobotët janë një platformë e re për të na mësuar.

Qelizat staminale të cilat mund të shndërrohen në çdo ind apo organ u morën nga embrionet e bretkosave dhe u inkubuan.

Më pas, me pincetë të vogla dhe një elektrodë edhe më të vogël, një kirurg preu dhe bashkoi qelizat e vetme nën një mikroskop në format e specifikuara nga një kompjuter.

Të grumbulluara në forma që nuk janë parë kurrë në natyrë, qelizat filluan të punojnë së bashku, të mundësuara nga rezervat e energjisë embrionale.

Në atë kohë, ata treguan se robotët ishin programuar për të kryer një sërë detyrash duke përfshirë dërgimin e ilaçeve direkt në një pikë të trupit.

Në përgjigje të çdo shqetësimi që njerëzit mund të kenë, ekipi theksoi se Xenobotët gjenden tërësisht në një laborator dhe verifikohen nga ekspertë.

*Studimi i ekipit është publikuar në Proceedings of the National Academy of Sciences.

Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.