Ne rrjet

Kreu i Partisë Laburiste në Britani citon fjalimin e Enver Hoxhës

Kreu i Partisë Laburistë Jeremy Corbyn ka shkaktuar një skandal të jashtëzakonshëm në Britaninë e Madhe, duke cituar ish-diktatorin Enver Hoxha. Skandali vjen pasi Laburistët pësuan humbjen më të rëndë në më shumë se 100 vite dhe është duke nxitur polemika të mëdha në mediat britanike.

Duke folur në një festë Krishtlindjesh të Partisë Laburistë, Corbyn e përshkroi Enver Hoxhën si një “sundimtar të ashpër”.

Corbyn raportohet se u përpoq ta motivonte stafin e partisë, duke cituar një nga fjalimet e diktatorit Enver Hoxha për festat e fundvitit.

“Mesazhi i Hoxhës për popullin shqiptar në vitin 1967 ishte se “ky vit do të jetë më i vështirë se viti i kaluar. Por nga ana tjetër, do të jetë më i lehtë se viti i ardhshëm”, citohet të ketë thënë kreu i Partisë Laburiste.

Diktatori Enver Hoxha në vitin 1967. Gazeta Si, 2019

Gazeta e njohur britanike “The Telegraph” ka publikuar një artikull satirik, duke i pyetur lexuesit nëse mund ta gjenin kush e kishte thënë shprehjen se “ky vit do të jetë më i ashpër se vitin e kaluar”, Hoxha apo Jeremy Corbyn.

“Ne thjesht po krahasojmë retorikën e diktatorit komunist Enver Hoxha, i cili fajësohet për torturat, vrasje dhe burgosjet e rreth 100,000 shqiptarëve, ndërsa zoti Corbyn është një drejtues i një partie të zgjedhur në mënyrë demokratike që duket se mendon se është një ide e mirë për të citojë diktatorë vrastarë në festat e Krishtlindjesh”, shkruan “The Telegraph”.

Burimet nga partia Laburiste janë përpjekur ta cilësojnë citimin e diktatorit si një ” humor”, por mediat britanike shkruajnë se të paktë ishin zyrtarët e partisë që kanë qeshur.

“Me siguri Corbyn nuk kishte ndërmend t’i bënte britanikët të mendonin se ai mbështeste politikanët komuniste apo të ekstremistët e majtë”, shkruan ish-këshilltari i kësaj partie John McTernan.


Copyright © Gazeta “Si”



Më Shumë