.png)
Pas një orë mbledhje pesë anëtarët e Komisionit Qendror të Zgjedhjeve kanë vendosur që të shkarkojë kryetarin e bashkisë së Vorës, Agim Kajmaku. . Diskutimet brenda KQZ-së lidheshin me kërkesën e Prokurorisë në të cilën kërkohej se të hiqej mandati i Kajmakut, pasi bie ndeshje jo me ligjin e Dekriminalizmit, por me vendimin e Kuvendit për zbatimin e ligjit në fjalë. Ndërsa për të marr vendimin Komisioni vendosi me dyer të mbylluar. Por as 10 minuta nuk ka zgjatur kryekomisioneri Klement Zguri shpalli vendimin unanim me 5 vota pro të anëtarëve, ku i kërkohet shkarkimi i kryebashkiakut Agim Kajmaku. Zguri u shpreh se “ky vendim duhet t'i komunikohet kryeministrit dhe më pas të botohet në Fletoren Zyrtare. Kundër këtij vendimi mund të bëhet ankimim brenda 45 ditëve në Gjykatën Administrative”.
Anëtarët e majtë në KQZ kanë shprehur pakënaqësi në lidhje me mënyrën e paraqitjes së fakteve nga prokuroria e përgjithshme, madje kanë akuzuar dhe vendimin e Kuvendit që ka tejkaluar ligjin e Dekriminalizimit. Nënkryetari i KQZ-së, Denar Biba gjatë shqyrtimit të kërkesës se për prokurorisë për heqjen e mandatit të Agim Kajmakut, ka lënë të kuptohet se kryebashkiaku i Vorës po shkon drejt shkarkimit.
“Jemi në një fazë shumë delikate. Morali i shoqërisë është duke u ndërtuar dhe nuk duhet harruar që dhe krimineli më i madh ka dinjitet. Organet shtetërore duhet të mbrojnë dinjitetin e çdo qënie. Në rastin konkret zotëria që është subjekt i hetimit, dhe nga materialet që ka ardhur nga prokuroria është dyshuar, është arrestuar dhe ka pasur arrestim për të për qarkullim të monedhave të falsifikuara. Ka një vendim gjykatë për të individi Kajmaku është i pafajshëm. Kajmaku është i denjë si individët e tjerë. Vendimi i Kuvendit që thotë se fshehja e të dhënave çon në shkarkimin e funksionarit. Ne nuk jemi Kuvendi i Shqipërisë, ne kemi detyrim ta zbatojmë këtë vendim. Paçka që ky vendim e ka tejkaluar ligjin. Agim Kajmakun nuk e kap ligji, por vendimi i Kuvendit. S’mund të behet bishti më i rëndë se sqepari. KQZ-ja kam frikë se mund të bëj, pak ose aspak. Ky ka qenë vullneti i legjislatorit, ky është një vendim i Kuvendit dhe ne nuk mund të bëjmë asgjë veçse ta zbatojmë”, tha nënkryetari i KQZ-së.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
