Një video ku shfaqen dy prokurorë te dyshuar që largohen nga shtëpia e një biznesmeni të pasur me një çantë me para, duket se ka tronditur Maqedoninë e Veriut. Videoja e publikuar nga Gazeta Italiane “La Verita” të enjten, ka zbuluar një skandal të jashtëzakonshëm në sistemin maqedonas të drejtësisë, i cili ka implikuar edhe kryeprokuroren speciale të Maqedonisë së Veriut, Katica Janeva.
Të dyshuarit, , Bojan Jovanovski, Boki 13, Zoran Milevski, dhe Zoki Kiceek marrin para nga biznesmeni Orce Kamçev, njeri i afër i ish-kryeministrit Nikolla Gryevski për të ndërhyrë në hetimin e cështjes së shumë përfolur, “Perandoria".
Pamjet janë ndarë ne tre pjesë. E para tregon numërimin e kartëmonedhave, të cilat vendosen në atë që duket se është një çantë Louis Vuitton. Në pjesën e dytë të dyshuarit largohen nga shtëpia e biznesmenin me çantën plotë me para.
Jovanovski dhe Kiçeek u vendosën në paraburgim më 15 korrik kur Prokuroria për Krimin e Organizuar dhe Korrupsionin hapi një hetim. Ata janë arrestuar nën dyshimet për zhvatje të parave. Më vonë u zbulua se ata po zhvasnin Kamçevin, dhe i cili është i dyshuar nga Prokuroria Speciale, SJO.
Ata dyshohet se po i zhvatnin para Kamçevi, duke i premtuar se do ta ndihmonin të shmangte dënimin me burg, ose të paktën të merrte një dënim më të lehtë duke përdorur ndikimin e tyre mbi prokurorin që drejtonte çështjen.
Skandali tronditi Prokurorinë Speciale si në të njëjtën ditë kur autoritetet sekuestruan telefonin e Kryeprokurores Janevas, për të kontrolluar lidhjet e mundshme midis saj dhe të dyshuarve.
Që kur shpërtheu skandali, Janeva është shfaqur në publik vetëm një herë, më 23 korrik, për të mohuar përfshirjen në këtë rast. Ajo insistoi që ajo nuk kishte keqpërdorur zyrën e saj dhe tha se emri i saj ishte keqpërdorur nga Jovanovski.
Pjesa e tretë e regjistrimit të publiokuar përmban një regjistrim audio në gjuhën maqedonase të asaj që duket se është një bisedë midis Kamçev dhe Jovanovski.
"Do të jesh i lirë të hënën", i thotë Jovanovski Kamçevit, duke shtuar se: "Ndoshta jo më vonë se e marta. Gjykata e Lartë do të lirojë. "
Jovanovski më vonë shpjegon se Prokuroria Speciale nuk do të përdorë ndonjë mjet juridik të jashtëzakonshëm. “Ata nuk do të përdorin asgjë për të kundërshtuar vendimin e Gjykatës Supreme”, thotë ai.
Kamçevit më vonë e pyet se çfarë do të ndodhë.
“Vetëm bëhu gati. Janeva nuk do të përdorë ndonjë mjet juridik të jashtëzakonshëm për ta vazhduar çështjen… Të Martën. Të hënën ose të martën do të jesh i lirë”, i përgjigjet Jovanovski.
Menjëherë pas publikimit të videos, Laris Gaiser, gazetari i shkrimit të “La Verita” shkroi në Facebook se kjo ishte vetëm pjesa e parë e një histori më të gjatë që do të tregonte sesi BE-ja kishte ndërhyrë në Maqedoninë e Veriut duke mbështetur ndryshimin e regjimit dhe krijimin e Prokurorisë Speciale .
"BE që nga fillimi jo vetëm që ka ndërhyrë në mënyrë të paligjshme në politikë, por gjithashtu po blen njerëz!", shkruan Gaiser. "Në ditët e ardhshme ne do të botojmë dokumente tronditëse që shpresoj sinqerisht se do ta ndihmojnë Maqedonisë të gjejë rrugën e saj drejt një demokracie funksionale!", shkroi ai.
Në nëntor 2018, Prokuroria Speciale e vendit fqinj, e formuar në vitin 2015 për të ndjekur krimet e nivelit të lartë mes një krize të thellë politike, hapi një hetim për një çështje të profilit të lartë të quajtur "Perandori".
Në të, Kamçev, i cili ishte parë si njeri i afërt i ish-kryeministrit Nikolla Gruevski, së bashku me ish-shefin e policisë sekrete Saso Mijalkov dhe 11 persona të tjerë, u dyshuan se kishin kryer një seri krimesh, si lidhjet me banda kriminale, mashtrim apo pastrimin e parave.
Pasi kaloi ca kohë në paraburgim në lidhje me hetimin, Kamçev u la i lirë në 4 mars me vendim të Gjykatës Supreme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.