Ministria e Shëndetësisë thotë se është gati që të përballojë një epidemi të mundshme të koronavirusit në vendin tonë. Në mbledhjen e Komitetit Kombëtar të Sigurisë, të zhvilluar këtë të enjte, ministrja Ogerta Manastirliu foli për parashikimin e skenarëve që shkojnë deri në 150 të infektuar.
“Në skenarët që ne kemi planifikuar, që me konfirmimin e rastit të parë ne vëmë në dispozicion strukturat, që nis me strukturën në QSUT në Spitalin Infektiv me një kapacitet prej 80 shtretërish dhe me një forcë punonjësish 109 mjekë dhe infermierë. Kemi përcaktuar bokset dhe dhomat e izolimit dhe kemi investuar në të gjitha linjat e oksigjenit në spitalin infektiv, nëse do të kalonim në skenarin e dytë që do të ishte nga 0-150 raste, duke siguruar të gjitha kapacitetet dhe nevojat për raste të rënda, pasi dihet që 5 për qind e rasteve do të kenë nevojë për suport respirator”, tha Manastirliu.
Ministrja Manastirliu nuk foli përtej skenarit me 150 të infektuar, por deklaroi se sistemi shëndetësor është i përgatitur për t’u përballur me çdo situatë.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.