Një 32-vjeçar është viktima më e re e COVID 19.
Mësohet se Alban Hidri, babai i një fëmije 2 vjeç nuk ka mundur ta fitojë betejën me virusin e rrezikshëm.
I riu ka qenë i shtruar në spitalin “Shefqet Ndroqi” në Tiranë, ku prej një jave ishte intubuar.
Sipas burimeve, 32-vjeçari nuk kishte sëmundje bashkëshoqëruese.
Ai ishte i angazhuar në politikë si kryetar i grupseksionit të PD në Belsh.
“Na hidhëroi pa masë lajmi për ndarjen e parakohshme nga jeta e Alban Hidrit, kryetarit të grupseksionit Rrasë. Një njeri i shkëlqyer që fatkeqësisht nuk ia doli dot në betejën me COVID-19. Energjia dhe pozitiviteti i Albanit do na mungojë të gjithëve, familjes së tij të dashur, miqve dhe kolegëve. U prehsh në paqe Alban!”, shkruajnë miqtë e tij në rrjetet sociale.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.