.png)
Një 22-vjeçare e infektuar me Covid 19, e cila para disa ditësh kishte sjellë në jetë foshnjën e saj, ka humbur jetën në spitalin “Shefqet Ndroqi”.
Sipas burimeve, e reja kishte tre javë që ndodhej në intubim dhe si pasojë e komplikacioneve të rënda nuk ka mundur dot ta fitojë betejën e me virusin e rrezikshëm.
Mjekët kishin vendosur që vajza të bënte një lindje të parakohshme në javën e 33-të të shtatzënisë me lindje cezariane për të shpëtuar fëmijën.
Aktualisht foshnja është në gjendje të mirë shëndetësore, por pati disa komplikime respiratore gjatë lindjes.
Ky nuk është rasti i parë që një nënë e re humb jetën në rrethana të tilla. Në 22 shkurt, në një nga spitalet Covid në Tiranë, një 31-vjeçare nga Elbasani, e infektuar me koronavirus, humbi jetën pak pasi kishte sjellë në jetë fëmijën e saj.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
