.png)
Gazeta Si - Këtë të mërkurë në mëngjes (rreth orës 4 në Europë), Koreja e Veriut lëshoi një raketë me rreze të gjatë veprimi në Detin e Japonisë.
Raketa fluturoi për 74 minuta në një lartësi prej 6,000 km, përpara se të binte 550 km në lindje të brigjeve të Koresë së Veriut pa shkaktuar dëme.
Është testi i raketës me kohën më të gjatë të fluturimit ndonjëherë nga Koreja e Veriut në brigjet e saj.
Nisja erdhi, ndërsa liderët e Koresë së Jugut dhe Japonisë ishin gati të takoheshin në kuadër të samitit të NATO-s që po zhvillohet në Lituani për të biseduar rreth kërcënimeve të përbashkëta, duke përfshirë Korenë e Veriut.
Ditët e fundit, Koreja e Veriut tha gjithashtu se avionët e spiunazhit amerikanë kishin shkelur hapësirën e saj ajrore, akuza që Shtetet e Bashkuara i kanë mohuar, duke thënë se avionët e saj mbeten në zonën ndërkombëtare.
Shefi i kabinetit japonez, Hirokazu Matsuno, tha se ajo e lëshuar nga Koreja e Veriut është një ICBM.
Raketa e parë balistike ndërkontinentale me lëndë djegëse të ngurtë (ICBM) u lëshua nga Koreja e Veriut në prill, në një nga dymbëdhjetë testet e raketave të kryera tashmë këtë vit.
Kjo lloj rakete është më shqetësues se të tjerat, sepse besohet se mund të fluturojë aq larg sa të arrijë në Shtetet e Bashkuara.
Për më tepër, Koreja e Veriut vazhdon të thotë se ka ndërtuar koka bërthamore që mund të montohen në këtë lloj rakete, por nuk ka asnjë konfirmim për vërtetësinë e këtyre pretendimeve.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
