.png)
Gazeta Si – Një telefon i tipit iPhone së bshku me karikuesin dhe fishën lidhëse të improviuar, është gjetur dhe sekuestruar në burgun e Durrësit pas kontrolleve të befasishme në këtë institucion.
Drejtoria e Përgjithshme e Burgjeve, njoftoi se gjatë kontrollit të ushtruar në godinën “B”, u konstatua dhe sekuestrua një aparat celular tip iPhone, së bashku me karikues dhe fishë lidhëse të improvizuar.
“Lidhur me rastin janë kryer veprimet procedurale përkatëse dhe është mbajtur procesverbal për bllokimin dhe sekuestrimin e sendeve të ndaluara”, thuhet në njoftim.
Strukturat e specializuara të SHKBB, në koordinim me SPAK dhe BKH, po vijojnë hetimet dhe procedurat e mëtejshme sipas ligjit, por ende nuk është bërë e ditur se kujt i përkiste ky telefon.
Më 1 maj 2026, Burgjet njoftuan se zbuluan në qelitë e burgut të Durrësit dhe Rrogozhinës 4 celularë në qelitë e të paraburgosurve.
Sipas njoftimit zyrtar, njëri prej tyre u gjet në qelinë e të paraburgosurit me inicialet B.G., ndërsa dy të tjerët së bashku me një palë kufje u konstatuan në ambientet e burgut, por ende nuk dihet se kujt i përkasin.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje