.png)
Gazeta Si – Pas një kontrolli të befasishëm në burgun e Durrësit në orët e para të mëngjesit të kësaj të premteje, janë gjetur tre celularë të tipit ‘’Iphone’’ plotësisht funksionalë.
Sipas njoftimit zyrtar, njëri prej tyre u gjet në qelinë e të paraburgosurit me inicialet B.G., ndërsa dy të tjerët së bashku me një palë kufje u konstatuan në ambientet e burgut, por ende nuk dihet se kujt i përkasin.
Menjëherë pas gjetjeve, u bë veçimi i të paraburgosurit, u hartua raporti i incidentit dhe u mbajt procesverbali për bllokimin e sendeve të ndaluara.
Një ditë më parë, Drejtoria e Përgjithshme e Burgjeve njoftoi se goditi një rast tjetër të tentativës për futjen e sendeve të ndaluara në burgun e Rrogozhinës.
Një celular i është gjetur shtetases B.D., e cila kishte ardhur për t’i bërë një vizitë bashkëshortit të saj, të dënuarin F.D. Menjëherë pasi është konstatuar sendi i palejuar në ambientet e IEVP, është anuluar takimi.
Drejtoria e Burgjeve bën me dije se aksione të tilla do të vijojnë për kapjen e sendeve të paligjshme që të burgosurit mund të kenë futur në qelitë e tyre.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
Lini një Përgjigje