Është konfirmuar në detyrë kryetari i Gjykatës së Apelit në Gjirokastër, Dritan Banushi.
KPK ka konstatuar disa probleme për Banushin, por kryetari i Gjykatës së Apelit i ka kundërshtuar gjetjet e KPK-së për sa i përket pasurisë, duke dhënë shpjegime për pronat e paluajtshme, vërtetësinë e deklarimeve për personat e lidhur dhe duke paraqitur një analizë financiare të përpiluar nga një ekspert i jashtëm për të hedhur poshtë bilancin negativ të KPK-së.
Kryetari i Gjykatës së Apelit Gjirokastër, Dritan Banushi u përball të hënën më 27 janar me procesin e vettingut në Komisionin e Pavarur të Kualifikimit, KPK.
Dritan Banushi e ka filluar karrierën në sistemin e drejtësisë në vitin 1993 dhe përgjatë gati tri dekadave ka punuar si gjyqtar i Shkallës së Parë dhe Apelit Gjirokastër.
Në vitin 2014 ai është emëruar si kryetar i Gjykatës së Apelit Gjirokastër.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.