.png)
Një kompani amerikane mund të jetë shumë pranë gjetjes së vaksinës për koronavirusin. Provat e hershme klinike treguan se vaksina e kompanisë “Moderna” pati rezultate pozitive tek të gjithë pacientët me Covid-19.
“Nëse studimet e ardhshme shkojnë mirë, vaksina e kompanisë mund të jetë e disponueshme për publikun qysh në janar”, thotë Tal Zaks, drejtori kryesor mjekësor i “Moderna”.
"Ky është një lajm shumë i mirë për të gjithë ne që mendonim se do të na duhej më shumë kohë," tha Zaks.
Këto të dhëna të hershme vijnë nga gjykimi klinik i Fazës 1, i cili zakonisht studion një numër të vogël njerëzish dhe mundohet të zbulojë a vaksina e sigurt dhe a shkakton përgjigje imune.
Rezultatet e studimit, i cili u drejtua nga Instituti Amerikan i Shëndetit, kanë shkaktuar një valë optimizmi në mbarë SHBA-në.
Kompania Moderna, me qendër në Kembrixh, Massachusetts, është një nga tetë firmat bio-teknike në të gjithë botën që është duke duke realizuar prova klinike njerëzore me një vaksinë kundër koronavirusit të ri. Dy kompani të tjera, Pfizer dhe Inovio, janë gjithashtu në Shtetet e Bashkuara, një është në Universitetin e Oksfordit në Britani, dhe katër janë në Kinë.
Moderna ka vaksinuar dhjetëra pjesëmarrës të studimit dhe ka vëzhguar antitrupat që kanë krijuar tetë pacientët. Ata zhvilluan antitrupa neutralizues ndaj virusit në nivele që arrijnë ose tejkalojnë nivelin e njerëzve që janë rikuperuar nga Covid-19.
Antitrupat neutralizues lidhen me virusin, duke e bërë pamundur që ai të sulmojë qelizat njerëzore. Kjo kompani është në pararojë të përpjekjeve për zhvillimin e një trajtimi për koronavirusin dhe javën e kaluar fitoi miratimin e agjencive amerikane të shëndetit për një proces të përshpejtuar në përputhshmërinë me rregulloret.
Të 45 pjesëmarrësve në studim u dhanë nga tre doza të ndryshme të vaksinës dhe Moderna tha se kishte vënë re se imuniteti rritej me rritjen e dozës.
"Jemi duke investuar për të rritur shkallën e prodhimit dhe maksimalizuar numrin e dozave që mund të prodhojmë, për të ndihmuar në mbrojtjen e sa më shumë njerëzve nga SARS-CoV-2, tha Shefi Ekzekutiv i kompanisë Moderna, Stéphane Bancel.
Kompania ka nënshkruar marrëveshje me firmën farmaceutike zvicerane që punon me kontratë Lonza Group AG si dhe me qeverinë amerikane për të prodhuar sasi në masë të vaksinës së re.
Vaksina, mRNA-1273, rezulton gjithashtu se është përgjithësisht e sigurt dhe tolerohet mirë nga trupi në studimin e hershëm, tha kompania, e cila shton se nuk është raportuar asnjë efekt serioz anësor.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
