.png)
Kompania farmaceutike Regeneron ka deklaruar se ilaçi i saj kundër Covid-19 do të ulë gjysmën e infeksioneve tek njerëzit dhe sipas tyre terapia është një mundësi e mirë për të parandaluar përkohësisht Covid-19.
Kompania deklaroi se asnjë nga pacientët që morën ilaçin nuk zhvilluan simptoma nga virusi, duke siguruar një analizë të ndërmjetme të një studimi të vazhdueshëm. Duke pasur parasysh performancën e ilaçit, Regeneron tha se do të diskutonte mundësinë e autorizimit të tij si një vaksinë e përkohshme me rregullatorët amerikanë, ndërkaq të dhënat e plota të provës nga studimi priten në fillim të tremujorit të dytë. Të dhënat e Regeneron tregojnë se barnat me bazë antitrupash mund të ndihmojnë në sigurimin e mbrojtjes së përkohshme kundër Covid-19 ndërsa SHBA dhe vendet e tjera përballen me furnizime të kufizuara të vaksinave. Medikamenti mendohet se siguron mbrojtje për të paktën një muaj.
Kompania Eli Lilly deklaruan javën e kaluar se ilaçi i antitrupave gjithashtu parandaloi shumë infeksione në një studim të pacientëve në shtëpi të moshuarish. Ilaçi i antitrupave të Lilly, i quajtur bamlanivimab dhe Regeneron, i quajtur REGEN-COV, janë tashmë të autorizuar për të trajtuar Covid-19 në pacientët që nuk janë të shtruar në spital.
Marrja e medikamenteve, ka qenë e pakët deri më tani pasi spitalet kanë luftuar për të ngritur qendra infuzioni për t'i administruar ato. Medikamenti Regeneron është më e lehtë për t’u përdorur për të parandaluar infeksione të reja sepse mund të jepet si një vaksinë. Ilaçet e antitrupave janë molekula të bëra në laborator që imitojnë antitrupat natyralë të krijuar nga sistemi imunitar për të luftuar viruset.
Ekziston një farë shqetësimi se variante të reja të koronavirusit mund të jenë rezistente ndaj disa prej ilaçeve dhe disa kompani dhe grupe akademike po punojnë për të krijuar versione të reja që do të funksionojnë në variantet e reja që shfaqen. Të dhënat nga Regeneron të martën ishin nga një studim i njerëzve me rrezik të lartë të infeksionit sepse ata kishin një shtëpi me dikë të ekspozuar ndaj virusit. Regeneron tregoi të dhënat në një njoftim për shtyp dhe gjetjet nuk janë botuar ende në një revistë shkencore.
Midis pacientëve që morën ilaçin e Regeneron, 5.4% rezultuan pozitivë për Covid-19, krahasuar me 10.3% të atyre që morën placebo (një ilaç që pacientët e mendonin si Regeneron).
Sipas kompanisë, askush nga njerëzit që marrin ilaçin nuk zhvilloi simptoma nga virusi, krahasuar me rreth 3.6% të njerëzve që marrin placebo. Mosha mesatare e pacientëve në studim ishte 43 vjeç.
"Këto të dhëna duke përdorur REGEN-COV si një vaksinë pasive tregojnë që të dyja mund të zvogëlojnë transmetimin e virusit, si dhe të zvogëlojnë ngarkesën virale dhe të sëmundjes tek ata që ende infektohen,” tha George Yancopoulos, presidenti i Regeneron dhe shefi kryesor i kompanisë.
Burimi:The Wall Street Journal/Përktheu: Gazeta “Si”
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
