.png)
Nga Gazeta ‘SI’ - Për periudhën janar-shtator 2022, KLSH ka raportuar se institucionet shtetërore kanë krijuar një dëm ekonomik prej 47 mld lekësh, nga të cilat 44.9 mld vijnë nga drejtoria e Tatimeve.
Sipas buletinit të Kontrollit të Lartë të Shtetit ky është dëm pasojë e shkeljes së disiplinës financiare me ndikim negativ në performancën e administrimit të të ardhurave.
Ndërkohë për të njëjtën periudhë KLSH ka evidentuar shkelje të disiplinës financiare me ndikim negativ në performancën e administrimit të të ardhurave, shpenzimeve dhe në përdorimin e fondeve publike në vlerën totale 74 miliardë lekë nga të cilat, 10 mld lekë e konstatuar në ALBPETROL sha, në fushën e shitjes, blerjes dhe dhënies me qira të pasurisë shtetërore dhe 32.8 mld lekë, “keqmenaxhim fondesh apo shpenzime të kryera pa eficiencë”, në Drejtorinë e Përgjithshme të Thesarit dhe Drejtorinë e Borxhit Publik në Ministrinë e Financave.
Në total , për periudhën janar shtator 2022, në përfundim të 120 auditimeve të kryera, KLSH ka dhënë opinione për 97 prej tyre , nga të cilat 26 opinione financiare për auditimet financiare, 315 opinione përputhshmërie për auditimet e përputhshmërisë dhe 40 janë opinione financiare dhe përputhshmërie.
KLSH ka dhënë në total 3.833 rekomandime, nga të cilat, pjesa më e Madhe janë masa organizative dhe disipline.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
