Vetëm pak orë pas heqjes së imunitetit nga Kuvendi, Sali Berisha mblodhi kryesinë të enjten në mbrëmje me dy vendime konkrete.
Së pari: ai fut strukturat në një riorganizim të thellë duke përcaktuar katër koordinatorë që pak e shumë do të jenë figurat më të rëndësishme në struktura pas arrestimit të mundshëm të Berishës.
Nuk dihet nëse kjo është pjesë e negociatave të nëndheshme edhe në kuadër të reformës zgjedhore sa kohë që kryesia ka vendosur që riorganizimin ata ta konceptojnë të ndarë në katër rajone në gjithë vendin.
LEXO EDHE:
- 10 minutat e fundit të Sali Berishës në Kuvend
- Arrestimi çështje orësh/ Kuvendi i çon SPAK vendimin për Sali Berishën. Çfarë ndodh tani? (video e postierit)
- Fraksioni apo shkrirja në PD, çfarë do të ndodhë në grupimin më të madh të opozitës? Opsionet për bashkim në sfondin e arrestimit eventual të Berishës
Vendimi tjetër edhe më i rëndësishëm është ftesa publike për Gazment Bardhin ajo që në fakt është përfolur prej kohësh dhe për të cilën ka shkruar më herët edhe Gazeta "Si"
Kryesia nuk bëri publike emrat. Ata do të votohen të shtunën në mbledhjen e thirrur të Këshillit Kombëtar por përfshirja e mundshme e Bardhit në pjesën e riorganizimit të partisë tregon një lëvizje konkrete drejt ribashkimit.
Me arrestimin e Berishës, edhe pse ngjan teknike emërimi i katër koordinatorëve, janë pikërisht ata që do të funksionojnë si organ kolegjial me pamundësinë e drejtimit në terren nga Berisha.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.