.png)
Një 32-vjeçar, i shpallur në kërkim, për veprat penale “Vrasje me dashje e mbetur në tentativë” dhe “Prodhim e mbajtje pa leje e armëve, armëve shpërthyese dhe municionit”, është arrestuar nga Policia e Vlorës.
Në pranga ka rënë R.Sh., alias J.H., banues në Vlorë. Policia sqaron se i riu, më 13 dhjetor 2020, gjatë një konflikti të çastit, dyshohet se ka tentuar të vrasë me armë zjarri, shtetasin B.A., 38 vjeç, banues në Vlorë.
Më parë, në lidhje me këtë ngjarje, është vënë në pranga shtetasi K.M., 47 vjeç, për veprën penale “Moskallzimi i krimit”. Materialet i kaluan Prokurorisë pranë Gjykatës së Shkallës së Parë Vlorë, për veprime të mëtejshme.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
