Juventus dhe Napoli e kanë nisur aty ku e kanë lënë kampionatin italian Serie A. Bardhezinjtë dhe të kaltrit kanë marrë dy fitore respektive kundër Chievo dhe Lazio në transferta edhe pse duhet thënë se më shumë sforco.
Juvja e madhe me Ronaldon në krye ka shmangur vetëm në fund turpërimin nga Chievo, duke fituar 2-3. Në fillim juventinët krijuan idenë e një fitore të thjeshtë me një gol të shpejtë që në minutat e para. Por Chievo ishte një kockë e fortë duke barazuar, madje duke kaluar edhe në avantazh. 2-1 dhe Juventus duket i shokuar nga një rezultat i tillë. Por skuadra e Allegrit me Ronaldon në fushë e mblodhi veten shpejt dhe reagoi. Fillimisht u ndihmua nga një autogol, për të shkuar më pas në minutën e fundit tek goli i Bernardeschi që i dhuron kështu tre pikët skuadrës së tij.
Edhe Napoli i ka marrë tre pikët në kryesfidën e javës së parë të Serie A përballë Lacio, por duke vuajtur jo pak. Ishin vendasit ata që kaluan të parët në avantazh me anë të të përhershmit Çiro Imobile. Napoli fillimisht do të barazonte në fundin e 45 minutave të para. Më pas në fraksionin e dytë skuadra e Ançelotit do të do të shënonte edhe golin e dytë për t’i çuar shifrat në 1-2 dhe deri në fund do të arrinte ta mbronte këtë rezultat.
Të dyja, Juventus dhe Napoli me këto fitore force në javën e parë rikonfirmohen si pretendentët kryesore për të rivalizuar për titullin kampion në Itali.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.