.png)
Ish-zv/presidenti amerikan Joe Biden ka konfirmuar zyrtarisht se do të kandidojë në zgjedhjet presidenciale të vitit 2020, duke i dhënë fund muajsh të tëra spekulimesh.
Në një video-njoftim, Biden deklaroi se "vlerat thelbësore të kombit, demokracia dhe gjithçka që e ka bërë Amerikën atë që është sot, ndodhen në rrezik".
76-vjeçari hyn në një garë të ashpër, ku do të kandidojë fillimisht kundër 19 senatorëve demokratë, duke përfshirë Elizabeth Warren, Kamala Harris dhe Bernie Sanders.
Në njoftimin e tij, Biden kritikoi ashpër Presidentin Donald Trump, duke e konsideruar si një rrezik për kombin amerikan.
"Unë besoj se ky president përfaqëson një moment të trazuar të SHBA-së. Por nëse i japim Donald Trump tetë vjet në Shtëpinë e Bardhë, ai do të ndryshojë përgjithmonë dhe karakterin e këtij kombi”, tha ai.
Biden është kandidati demokrat më me përvojë. Kjo është hera e tretë që ai kandidon për president, pas zgjedhjeje të vitit 1988 dhe 2008, kur më vonë shërbeu si numri dy i qeverisë së presidentit Barack Obama për dy mandate.
Duke iu përgjigjur njoftimit, një zëdhënës i zotit Obama tha se zgjedhja e Biden "ishte një nga vendimet më të mira që ai kishte marrë" dhe të dy kishin krijuar një lidhje të veçantë.
Biden njoftoi se do të kandidonte përsëri në vitin 2016, viti kur Trump u zgjodh president, por u tërhoq pas vdekjes së djalit të tij 46-vjeçar, Beau Biden.
Megjithatë, ai është përballur me një sërë sfidash përhjatë javëve të fundit. Ish-zëvendëspresidentit u akuzua nga disa gra për ngacmime seksuale dhe prekje të papërshtatshme.
Ai kërkoi falje, duke thënë se do të ishte shumë më i kujdesshëm.
Copyright © Gazeta “Si”
Të gjitha të drejtat e këtij materiali janë pronë ekskluzive dhe e patjetërsueshme e Gazetës “Si”, sipas Ligjit Nr.35/2016 “Për të drejtat e autorit dhe të drejtat e tjera të lidhura me to”. Ndalohet kategorikisht kopjimi, publikimi, shpërndarja, tjetërsimi etj, pa autorizimin e Gazetës “Si”, në të kundërt çdo shkelës do mbajë përgjegjësi sipas nenit 179 të Ligjit 35/2016.
